Mikil mildi að enginn særðist

Sænska lögreglan segir það mikla mildi að enginn særðist þegar sprenging varð í íbúðarhúsnæði í Stokkhólmi klukkan eitt í nótt. Ekki er vitað hvað olli spreng­ing­unni sem varð í Östermalm-hverf­inu.

„Þetta er ein kröftugasta sprenging sem hefur orðið á svæðinu,“ sagði lögreglustjórinn Erik Widstrand á blaðamannafundi.

Þar kom fram að lögreglu hafi borist nokkur fjöldi ábendinga vegna sprengingarinnar en ekki er talið að hún tengist hryðjuverkum.

Frétt af mbl.is

Sprenging í Stokkhólmi

„Börnin skilja ekki hvað gerðist og vilja fara aftur heim,“ sagði Karin Hultman í samtali við sænska ríkissjónvarpið. Hún býr ásamt fjölskyldu sinni í húsnæðinu í Östermalm-hverfinu.

Sprengingin var það kröftug að rúður í svefnherbergjum íbúðarinnar sprungu en íbúum var gert að yfirgefa húsið á meðan lögregla rannsakar málið.

Rúður brotnuðu, bæði í bílum og húsinu. AFP

Önnur sprenging varð í Uppsala, 70 kílómetrum norður af Stokkhólmi, tveimur klukkustundum síðar. Líkt og í fyrri sprengingunni særðist enginn þegar sú sprenging varð.

• Blogga um frétt