Dauðsföllum af völdum kórónaveirunnar heldur áfram að fjölga og hafa kínversk yfirvöld staðfest að 131 er látinn og 5.578 hafa smitast. Smitum hefur fjölgað um tæplega 3.000 síðan í gær. 

Enn frek­ar hef­ur verið hert á ferðatak­mörk­unum fólks og í sum­um borg­um er nú skylda að bera grím­ur á al­manna­færi.

Um 200 Japanir og 240 Bandaríkjamenn voru fluttir burtu frá Wuhan-héraði í dag, en kórónaveiran á rætur sínar að rekja til fiskmarkaðs í héraðinu. 

Flest til­felli utan Kína hafa komið upp í Asíu en Alþjóðaheil­brigðismála­stofn­un­in (WHO) og Sótt­varna­stofn­un Evr­ópu­sam­bands­ins (ECDC) hafa hvatt sótt­varna­yf­ir­völd um heim all­an til að gera ráðstaf­an­ir til að geta brugðist fljótt við ef veik­in berst til fleiri landa.

Smit utan Kína eru orðin 84 talsin, flest í Taílandi eða 14 talsins, 8 í Hong Kong og Taívan, 7 í Japan, Macau og Singapúr, 5 í Ástralíu og Bandaríkjunum, 4 í Þýskalandi, Malasíu og S-Kóreu, 2 í Kanada og Víetnam og eitt smit hefur greinst í Kambódíu, Nepal og Sri Lanka. 

Frétt af mbl.is

Fjórir greinst með kórónaveiruna í Þýskalandi

Sér­fræðing­ar við verk­fræðideild John Hopk­ins-há­skóla í Mary­land í Banda­ríkj­un­um hafa út­búið gagn­virkt kort þar sem hægt er að fylgj­ast með út­breiðslu kór­óna­veirunn­ar. Kortið má nálg­ast hér en það er upp­fært reglu­lega.

Sér­fræðing­ar við verk­fræðideild John Hopk­ins-há­skóla í Mary­land í Banda­ríkj­un­um hafa út­búið gagn­virkt kort þar sem hægt er að fylgj­ast með út­breiðslu kór­óna­veirunn­ar. Skjáskot/John Hopkins CSSE

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt