Biden lofar kvenkyns varaforsetaefni
Setja bókamerki
Níu mánuðir eru liðnir síðan 20 keppinautar um að verða forsetaefni Demókrataflokksins komu saman til fyrstu kappræðna, en nú standa aðeins tveir eftir: Bernie Sanders og Joe Biden.
Sanders og Biden háðu kappræður sín á milli á CNN í gærkvöldi. Gætt var að því að tveir metrar væru á milli kappanna, en þeir eru báðir í áhættuhópi vegna kórónuveirunnar sökum aldurs.
Á meðal umræðupunkta voru einmitt aðgerðir þeirra til þess að tryggja að þeir sýktust ekki sjálfir af kórónuveirunni, en hún setur ákveðið strik í kosningabaráttureikninginn og hafa Sanders og Biden báðir til að mynda gripið til þess að halda samstöðufundi í gegnum netið.
Sanders sótti hart að Biden
Athygli vakti að Sanders sótti hart að andstæðingi sínum í kappræðunum, sem hann forðaðist í undanfara kosninganna 2016 þegar hann atti kappi við og tapaði fyrir Hillary Clinton í forvali demókrata. Þykir þetta bera þess merki að Sanders, sem hafði markverða forystu í upphafi forvalstímabilsins, ætli sér ekki að tapa þegjandi og hljóðalaust fyrir Biden, sem á þessari stundu hefur á hann forskot.
Þá þótti loforð Bidens þess efnis að hann skyldi velja kvenkyns varaforsetaefni, yrði hann fyrir valinu sem forsetaframbjóðandi flokksins, athyglisvert. Sanders virtist ekki vilja skuldbinda sig í þeim efnum en fullyrti þó að hann væri líklegur til að gera slíkt hið sama.
Banna mengandi búnað sem leyfður er á Íslandi
Mál hjúkrunarfræðingsins fer aftur fyrir héraðsdóm
Breytingar á skipulagi fréttadeildar RÚV
Hvorki sést áður hér á landi né annars staðar
Krefjast stöðvunar framkvæmda
Vonast til að tjaldbúðir við HÍ standi áfram
„Höfum ekki náð að skríða upp úr þeirri gryfju“