Býðst til að segja af sér vegna deilna við N-Kóreu
Setja bókamerki
Kim Yeon-chul, sameiningarráðherra Suður-Kóreu, bauðst í dag til að segja af sér vegna aukinnar spennu á milli Suður- og Norður-Kóreu.
Yeon-chul segist taka fulla ábyrgð á versnandi samskiptum ríkjanna.
Boð ráðherrans kemur degi eftir að Norður-Kórea sprengdi í loft upp samvinnustofnun ríkjanna sem var staðsett við landamærabæinn Kaesong, á yfirráðasvæði Norður-Kóreu. Stofnuninni var ætlað að bæta tengsl landanna tveggja. Þá hefur norður-kóreski herinn gefið út að hann muni senda herlið inn á hlutlausa svæðið sem aðskilur löndin.
Forseti Suður-Kóreu sagður þjónn Bandaríkjanna
Í gær skýrðu stjórnvöld í Norður-Kóreu hvers vegna þau sprengdu tengslaskrifstofuna upp en í grein ríkisfjölmiðils ásökuðu stjórnvöld Suður-Kóreu um að brjóta samninga frá árinu 2018 og hegða sér eins og hundur af blönduðu kyni. Systir Kim Jong-un, einræðisherra Norður-Kóreu, sakaði þá forseta Suðursins um að vera þjón Bandaríkjanna.
Þó Suður-Kórea segist vera tilbúin í viðræður hafa stjórnvöld þar fordæmt aðgerðir Norður-Kóreu sem yfirvöld segja vitlausar og skaðlegar. Spenna í samskiptum ríkjanna hefur færst í aukana undanfarnar vikur, meðal annars því að norðurkóreskir liðhlaupar voru sakaðir um senda áróðursblöð og bæklinga yfir landamærin.
Banna mengandi búnað sem leyfður er á Íslandi
Kaldasti veturinn kom að óvörum
Bergnuminn í Hvalfirði
Krefjast stöðvunar framkvæmda
Sex hafa greinst með listeríu
Hvorki sést áður hér á landi né annars staðar
Strand skemmtiferðaskips kallar á erlenda aðstoð
Mál hjúkrunarfræðingsins fer aftur fyrir héraðsdóm