Útgáfa bókar frænku Trumps frestast
Setja bókamerki
Dómari í New York hefur sett tímabundið bann á útgáfu bókar frænku Donalds Trumps Bandaríkjaforsta, þar sem hún fer ítarlega ofan í saumana á sögu fjölskyldunnar.
Til stóð að bókin, sem ber heitið Of mikið og aldrei nóg, hvernig fjölskylda mín skapaði hættulegasta mann í heimi (e. Too Much and Never Enough, How My Family Created the World's Most Dangerous Man), kæmi út 28. júlí.
Mary Trump, höfundur bókarinnar, er dóttir eldri bróður forsetans, Freds Trumps jr., sem lést árið 1981. Nú hefur dómari úrskurðað um nálgunarbann Mary gagnvart Robert Trump, öðrum bróður Trumps, og því hefur útgáfu bókarinnar verið frestað þar til úrskurðað verður í málinu. Málið verður tekið fyrir 10. júlí.
Lögmaður Mary Trump segir umfjöllunarefni bókarinnar eiga erindi við almenning og geyma mikilvægar upplýsingar um sitjandi forseta á kosningaári og að ekki ætti að fresta útgáfu bókarinnar um svo mikið sem einn dag.
Bókin er gefin út af Simon & Schuster og er þegar í 4. sæti yfir mest seldu bækur Amazon þrátt fyrir að hún sé enn ekki komin út. Starfslið Bandaríkjaforseta vinnur hörðum höndum að því að koma í veg fyrir útgáfu bókarinnar.
Væri að ljúga ef ég segðist ekki stressaður
Kaldasti veturinn kom að óvörum
/frimg/1/48/74/1487454.jpg)
Heldur inn í nóttina tuttugu kílóum léttari
„Höfum ekki náð að skríða upp úr þeirri gryfju“
Tveir í bílnum sem lenti utan vegar
Krefjast stöðvunar framkvæmda
Skiptir miklu meira máli en fólk grunar
Vonast til að tjaldbúðir við HÍ standi áfram