Loftslagsbreytingar höfðu greinileg áhrif á gróðureldana sem geisuðu í Ástralíu undir lok síðasta árs og fyrri hluta þessa árs. Þetta kemur fram í skýrslu sem fylkisyfirvöld í Nýja Suður-Wales birtu í morgun um eldana þar.

Eldar geisuðu samfleytt í Ástralíu um níu mánaða tímabil en ástandið var verst í Nýju Suður-Wales, þar sem 5,5 milljónir hektara lands brunnu. 

26 fórust í eldunum í fylkinu og 2.400 íbúðarhús urðu eldum að bráð.

Í skýrslunni segir að þrátt fyrir að loftslagsbreytingar skýri ekki allt sem gerðist hafi viðvaranir vísindamanna staðist.

Miklir þurrkar, stormar og lítill raki hafi gert það að verkum að erfiðara var að ráða niðurlögum eldanna. Alls kviknuðu um ellefu þúsund eldar í Nýju Suður-Wales. Af þeim kveiktu brennuvargar ellefu sinnum í en flestir hinna voru vegna eldingaveðurs. 

Bent er á að eldar á borð við þá sem geisuðu í Ástralíu síðasta vetur verði algengari í framtíðinni í takt við hækkandi hitastig og aðrar kjöraðstæður fyrir elda.

Tengdar fréttir

Loftslagsvá

Hvað verður um plastið?

• Allt að 45 sm hækkun sjávarborðs
• Versta vínuppskera í 62 ár
• Gretu Thunberg gert að mæta fyrir dóm
• Áhrif hlýnunar mest í Asíu

» Fleiri tengdar fréttir

Gróðureldar í Ástralíu

Milljarðar dýra drápust

• „Það er vatn úti um allt“
• Óbærilegur hiti í Canberra
• Neyðarástand í höfuðborg Ástralíu
• Dansandi slökkviliðsmenn á Tik Tok

» Fleiri tengdar fréttir

• Blogga um frétt