Slökkviliðsmenn í Ástralíu hafa staðið í ströngu frá því í októ­ber en for­dæma­laus­ir gróðureld­ar hafa geisað í mikilli hita­bylgju. 

Kærkomin úrkoma fyrr í þessum mánuði hefur sums staðar létt und­ir slökkvistörf­um þó að ljóst sé að mun meira regn þurfi til þess að slökkva al­veg í eld­un­um. Þá rign­ir alls ekki alls staðar þar sem skógar­eld­arn­ir loga.

Frétt af mbl.is

Ástralar fagna rigningunni

Slökkviliðsmenn hafa brugðið á það ráð að dansa í gegnum erfiðustu vaktirnar og hafa sumir hverjir birt afraksturinn á samfélagsmiðlinum Tik Tok við góðar undirtektir. Dansinn er ekki síst til að létta lund slökkviliðsmannanna. 

Myndskeið slökkviliðsmannsins Chris Rumpf hafa vakið sérstaka lukku og fengið yfir milljón áhorf. „Ég gerði þetta upphaflega til að koma vinnufélögunum í betra skap,“ segir Rumpf í samtali við BBC. Hann segir það hafa tekið á að fara í gegnum minningar fólks á heimilum sem hafa brunnið til kaldra kola. „Eigendur húsanna hafa komið að okkur með tárin í augunum, þau hafa misst allar eigur sínar og það tekur á.“

Gríðarlegt land­flæmi hef­ur eyðilagst, hundruð millj­óna dýra drep­ist og yfir tvö þúsund heim­ili eyðilagst. 29 manns hafa lát­ist í eld­un­um. 

„Ég hvet strákana til að dansa smá og létta lundina, og ég held að það hafi virkað,“ segir Rumpf, sem segist þó gera sér grein fyrir því að þeir séu að dansa á fínni línu enda gróðureldarnir afar alvarlegir. „En viðbrögðin sem við höfum fengið við þessu eru fyrst og fremst jákvæð.“

Tengdar fréttir

Gróðureldar í Ástralíu

Loftslagsbreytingar hafa greinileg áhrif

• Milljarðar dýra drápust
• „Það er vatn úti um allt“
• Óbærilegur hiti í Canberra
• Neyðarástand í höfuðborg Ástralíu

» Fleiri tengdar fréttir

• Blogga um frétt