Niðurstöður eiturefnaprófana franskra og sænskra stjórnvalda benda til þess að eitrað hafi verið fyrir rússneska stjórnarandstæðingnum Alexei Navalní með taugaeitrinu novichok.
Steffen Seibert, talsmaður Angelu Merkel, kanslara Þýskalands, staðfesti þetta í morgun, en eiturefnaprófanir þýskra stjórnvalda benda til þess að Navalní hafi orðið fyrir novichokeitrun.
Óskuðu þýsk stjórnvöld eftir sjálfstæðu áliti á niðurstöðum þýskra lækna sem benda til eitrunarinnar en þau bíða enn eftir niðurstöðum rannsókna alþjóðlegu vopnaeftirlitsstofnunarinnar OPCW.
Sagði Seibert í samtali við AFP að rannsóknir þýskra, sænskra og franskra stjórnvalda gæfu rússneskum tilefni til að senda út yfirlýsingu vegna atburðarins. Bætti hann við að þýsk stjórnvöld væru í nánu samstarfi vi evrópska bandamenn sína hvað næstu skref varðar.
Talið er að eitrað hafi verið fyrir Navalní þar sem hann glímdi við snörp veikindi á leið sinni frá Síberíu til Berlínar í ágúst. Hann kom nýlega til meðvitundar en liggur enn á sjúkrahúsi.