Friðarsamkomulag milli Asera og Armena um umdeilda héraðið Nagornó-Karabak virðist út í sandinn runnið eftir að armenskir aðskilnaðarsinnar í héraðinu tilkynntu að þrír hermenn hafi særst í átökum við aserskar hersveitir.

Í tilkynningu frá Armenum segir að Aserar hafi gert atlögu að hermönnum armenska hersins í gær með fyrrgreindum afleiðingum. Hermennirnir hafa nú fengið aðhlynningu á sjúkrahúsi og rannsókn um málið er farin af stað

Frétt af mbl.is

Samþykktu vopnahlé vegna Nagorno-Karabakh

Átök Armena og Asera um Nagornó-Karabak stóð yfir í sex vikur frá í september og þar til Rússar höfðu milligöngu um friðarumleitanir. Um 5.000 manns létust í átökunum, bæði Armenar og Aserar, hermenn og óbreyttir borgarar. 

Þetta er ekki í fyrsta sinn sem kemur til átaka um héraðið en það gerðist strax og Aserar og Armenar lýstu yfir sjálfstæði frá Sovétríkjunum sálugu í upphafi tíunda áratugarins. Allt frá því að friðarsamkomulag var undirritað snemma í nóvember hefur þótt ljóst að aðeins sé um vopnahlé að ræða, aðeins væri tímaspursmál um hvenær átök myndu brjótast út að nýju.

Ónýtur og yfirgefinn armenskur skriðdreki í héraðinu Nagornó-Karabak. Armenar töpuðu fyrir Aserum nýafstöðnu stríði um yfirráð yfir héraðinu og nú virðist sem Asera hungri í meira. AFP

Tengdar fréttir

Átök Armeníu og Aserbaísjan

Uppfyllti „drauminn“ um að hrekja Armena á brott

• Friðargæsluliðar í héraðinu í fyrsta sinn í 30 ár
• 100 þúsund flúið Nagornó-Kara­bak
• Nagornó-Karabak líður undir lok á nýju ári
• Um helmingur íbúa hefur flúið svæðið

» Fleiri tengdar fréttir

• Blogga um frétt