Donald Trump sýknaður öðru sinni
Setja bókamerki
Öldungadeild Bandaríkjaþings hefur sýknað Donald Trump fyrrveranda Bandaríkjaforseta af ákæru fulltrúadeildar þingsins til embættismissis.
Tvo þriðju hluta atkvæða viðstaddra þarf til að sakfella í máli sem þessu.
Atkvæði féllu svo að 57 greiddu atkvæði með sakfellingu og 43 greiddu atkvæði með sýknu.
Fulltrúadeildin ákærði Trump til embættismissis 13. janúar öðru sinni, sem á sér engin fordæmi í bandarískri sögu. Átti hann þá aðeins ósetið eina viku á valdastóli.
Fyrir deildinni lá að vega og meta hvort dæma skyldi Trump fyrir það sem bandaríska stjórnarskráin kallar „glæpi á háu stigi og misgjörðir“. Hann var ákærður til embættismissis í fulltrúadeildinni fyrir að „hvetja til innrásar“ í þinghúsið í ræðu í Washington 6. janúar, sem stuðningsmenn hans svo gerðu.
Fimm manns biðu bana í áhlaupinu, þar á meðal lögregluþjónn.
Quang Le: „Rottuskíturinn kom mér á óvart“
Konur álitnar annars flokks borgarar
Erlendir fangar sendir til útlanda?
„Hví erum við dýrasta land í heimi?“
Einróma stuðningur við virkjanir
97 aðgerðir hafa neikvæð áhrif
/frimg/1/50/8/1500878.jpg)
Yazan verður ekki fluttur úr landi
„Verða bara eins og „zombíar““