Antonio Guterres, aðalframkvæmdastjóri Sameinuðu þjóðanna, hvetur herforingjastjórnina í Mjanmar til að láta fanga lausa og láta af kúgun almennra borgara.
„Ég hvet herforingjastjórnina til að binda enda á ofbeldið í landinu,“ kom fram í máli Guterres í myndskeiði.
„Virðið mannréttindi og vilja fólks sem það lét í ljós í kosningum,“ bætti Guterres við.
Tugir þúsunda manna hafa safnast saman víðs vegar um Mjanmar um helgina en þrír mótmælendanna hafa verið skotnir til bana.
Síðan herinn í Mjanmar framdi valdarán 1. febrúar og handtók Aung San Suu Kyi, sem áður var leiðtogi landsins, hafa mikil mótmæli farið fram á götum úti.