Talíbanar segjast hafa náð að sölsa undir sig síðasta landsvæðið í Afganistan sem ekki var undir þeirra stjórn, eða Panjshir-dal. Andstæðingar talíbana, NRF, eru ekki á sama máli og segja bardaga enn vera í gangi.

Frétt af mbl.is

Síðasta vígið að falla í hendur talíbana

„Með þessum sigri en landið okkar algjörlega orðið laust við kviksyndi stríðsins,“ sagði Zabihullah Mujahid, talsmaður talíbana.

Í ljósmynd sem var birt á samfélagsmiðlum sjást talíbanar hjá skrifstofu ríkisstjórans í Pansjshir-héraði.

Andstæðingarnir í NRF, sem samanstanda af vígamönnum sem eru andvígir talíbönum og fyrrverandi meðlimum úr stjórnarher Afganistans, segja aftur á móti sína menn enn til staðar á svæðum víðsvegar um Panjshir-dal og að þeir haldi baráttunni áfram.

„Við viljum fullvissa almenning í Afganistan um að baráttan gegn talíbönum og fylgismönnum þeirra heldur áfram þangað til réttlæti og frelsi verður náð,“ sagði í tísti frá NRF.

Seint í gærkvöldi viðurkenndu þeir að hafa misst stór landsvæði í Panjshir og óskuðu eftir vopnahléi.

Tengdar fréttir

Talíbanar í Afganistan

„Hún á sér ekkert líf“

• Þjóðþekktur hermaður tapaði meiðyrðamáli
• Skipuleggjandi Kabúl sprengingarinnar sagður látinn
• Trump kennt um valdatöku talíbana í Afganistan
• Tárvotur hermaður lýsir hörmungum við brotthvarfið

» Fleiri tengdar fréttir

• Blogga um frétt