Pólsk yfirvöld hafa varað við því að ástandið á landamærunum að Hvíta-Rússlandi gæti haldið áfram næstu mánuði og jafnvel ár. Í gær beittu pólskar hersveitir táragasi og háþrýstidælum til að koma í veg fyrir að flóttamenn köstuðu grjóti í átt þeim.

Frétt af mbl.is

Táragasi beitt og steinum kastað í hermenn

Pólski varnarmálaráðherrann Mariusz Blaszczak sagði að fólk hafi áfram reynt að komast yfir landamærin í nótt.

Þúsundir flóttamanna, mestmegnis frá Mið-Austurlöndum, eru staðsettir á landamærunum. Vesturlönd segja Hvít-Rússa hafa skapað ástandið til að mótmæla refsiaðgerðum sem þeir hafa verið beittir.

Flóttamenn við varðeld sem þeir kveiktu á landamærunum í gær. AFP

Alexander Lúkasjenkó, forseti Hvíta-Rússlands, og Vladimir Pútín, forseti Rússlands, hafa vísað þessum ásökunum og bug. Þeir gagnrýna Evrópusambandið fyrir að taka ekki við flóttamönnunum.

Frétt af mbl.is

Ástandið á landamærunum „óviðunandi“

„Við verðum að búa okkur undir það að ástandið á landamærum Póllands og Hvíta-Rússlands muni ekki leysast fljótt. Við verðum að gera ráð fyrir mánuðum eða jafnvel árum,“ sagði Blaszczak við pólsku útvarpsstöðina Radio Jedynka.

Að sögn landamæravarða reyndi 161 að fara ólöglega yfir landamærin í gær. Pólska lögreglan segir að níu lögreglumenn hafi meiðst í átökum í gær, ásamt landamæraverði og hermanni.

Maður reynir að skemma girðingu við landamærin í gær. AFP

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt