Beiðni Trumps um ný réttarhöld hafnað
Setja bókamerki
Beiðni Donalds Trumps, fyrrverandi forseti Bandaríkjanna, um ný réttarhöld í máli sem blaðamaðurinn E. Jean Carroll höfðaði gegn honum, hefur verið hafnað. Þá var beiðnum hans um að skaðabætur til Carroll yrðu lækkaðar í minna en eina milljón bandaríkjadala einnig hafnað.
Trump var hinn 9. maí síðastliðinn dæmdur sekur fyrir kynferðisbrot og meiðyrði gegn Carroll. Trump var gert að greiða Carroll fimm milljónir bandaríkjadala, eða um 680 milljónir íslenskra króna, fyrir kynferðisbrotið og 280 þúsund bandaríkjadala, eða um 38 milljónir króna, í bætur vegna meiðyrða.
Í umfjöllun Reuters kemur fram að dómarinn í málinu hafi ekki talið fyrri niðurstöðu gefa til kynna að um „alvarlega ranga“ niðurstöðu væri að ræða né „réttarmorð“. Þá hafi Trump, með því að kalla skaðabæturnar fyrir kynferðisbrotið óhóflegar, hunsað sönnunargögnin sem sett hafi verið fram í fyrra málinu.
Arnar Þór hvergi nærri hættur
Ákall eftir forseta án tengsla við valdöfl og fjármálakerfi
Þyrla kölluð út vegna umferðarslyss
Starfsmaður SÍ grunaður um fjárdrátt
Vilja selja fyrir tæpa 13 milljarða í Íslandshótelum
Íslendingar þurfa að fullorðnast í varnarmálum