Samstaða um kjör forseta borgarstjórnar

Árni Þór Sigurðsson var endurkjörinn forseti borgarstjórnar við upphaf borgarstjórnarfundar í gær með samhljóða atkvæðum allra borgarfulltrúa, en eftir því sem næst verður komist er þetta í fyrsta skipti sem allir borgarfulltrúar greiða fulltrúa meirihlutans atkvæði sitt.

"Ég lít þannig á að þetta sé góður stuðningur við þau störf sem ég hef unnið að undanfarin tvö ár sem forseti og þær breytingar sem ég hef beitt mér fyrir á starfsháttum í borgarstjórn og aðstöðumálum borgarfulltrúa," sagði Árni Þór að fundi loknum.

Hefð hefur verið fyrir því að minnihluti sitji hjá við kosningu forseta borgarstjórnar, en sjálfstæðismenn og fulltrúi Frjálslynda flokksins í borgarstjórn rufu þá hefð að eigin sögn vegna ánægju með hvernig Árni Þór hefur sinnt starfi forseta, og því hvernig hann hefur beitt sér fyrir breytingum á starfsháttum borgarstjórnar.

Gerir fundina áheyrilegri

Árni segist vonast til að þær breytingar á fyrirkomulagi borgarstjórnarfunda sem hann hefur beitt sér fyrir geti komist á þegar borgarstjórn kemur saman á ný eftir sumarfrí, en áður þarf félagsmálaráðuneytið að fjalla um málið. Breytingarnar miða að því að gera borgarstjórnarfundi markvissari og áheyrilegri fyrir borgarstjórnarfulltrúa jafnt sem almenning.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »