250 milljónir í gosbætur

Margir bændur urðu fyrir búsifjum vegna eldgossins í Eyjafjallajökli.
Margir bændur urðu fyrir búsifjum vegna eldgossins í Eyjafjallajökli. mbl.is/Helgi Bjarnason

Ríkissjóður áætlar að greiða 250 milljónir í bætur úr viðlaga- og bjargráðasjóði til bænda og annarra íbúa undir Eyjafjöllum sem urðu fyrir tjóni vegna öskunnar frá Eyjafjallajökulsgosinu. Þegar er búið að verja 45 milljónum króna í bætur. Þetta kom fram á Stöð 2.

Um 140 tilkynningar bárust um tjón vegna öskufalls frá gosinu, allt frá Fljótshlíð suður að Vík í Mýrdal. Búið er að gera upp um 30 mál og starfsmenn Viðlagatryggingar heimsótt um 100 heimili. Viðlagasjóður hefur þegar greitt um 100 milljónir króna í bætur, að því er fram kom á Stöð 2.

mbl.is