Umræðan um Framsókn nýr lágpunktur

„Hverjir eru afturhaldssamir, Þeir sem vilja styðja við heilnæma og góða matvöru og byggja upp matvælaiðnaðinn hér á landi eða þeir sem vilja láta slíkt lönd og leið og telja það einangrunarhyggju að mega ekki flytja inn eins mikið sterakjöt og menn vilja?“ spurði Sigmundur Davíð Gunnlaugsson, forsætisráðherra, í ræðu sinni á miðstjórnarfundi Framsóknarflokksins í dag. 

Sigmundur fór í ræðu sinni yfir verk Framsóknarflokksins í ríkisstjórn til þessa, en ár er nú liðið frá því að miðstjórn flokksins samþykkti stjórnarsáttmálann og flokkurinn tók sæti í ríkisstjórn. Benti Sigmundur á að eftir gott gengi í sveitarstjórnarkosningunum væri flokkurinn nú með 6 fulltrúa í Reykjavík í fyrsta skiptið í sögunni, fjóra þingmenn og tvo borgarfulltrúa. 

Forsætisráðherra sagði að árangur ríkisstjórnarinnar sé meiri en hann hafi þorað að vona við upphaf samstarfsins, og hafi hann þó verið bjartsýnn. Nú sé kominn tími til að flokkurinn fari að tala í samræmi við árangur ríkisstjórnarinnar. 

„Hagvöxtur tók mikinn kipp á þessu ári, verðbólga er undir verðbólguviðmiðum Seðlabankans og hefur haldist þannig. Atvinnuleysi er í kringum 4% sem er lægra en hjá sambærilegum þjóðum í kringum okkur, þar sem atvinnuleysi er 12% á evrusvæðinu,“ sagði Sigmundur og benti einnig á fjölgun ferðamanna um 34% á tímabilinu. 

Þá fjallaði Sigmundur um verkefnin sem framundan eru. Nefndi hann þar fyrirætlanir ríkisstjórnarinnar um einföldun regluverks, að tillögur hagræðingarnefndarinnar kæmu til skoðunar, að markmiðið sé að eyða 3% af landsframleiðslu til nýsköpunar. Til standi að fara í róttækustu aðgerðirnar í áratugi í húsnæðismálum sem kæmu til með að bæta stöðu leigjenda. 

Skuldastaðan verði best í Evrópu

„Það er mikið til vinnandi að lækka þessar skuldir svo við verðum áfram að sýna aðhald í rekstri ríkisins. En við getum líka minnkað þessar byrðar með því að sýna að við séum að ná árangri í ríkisfjármálum. Þannig getum við lækkað vaxtabyrgði ríkisins eins og gert var fyrr í þessari viku og í raun erfitt að finna betri staðfestingu á þeim árangri sem hefur náðst, þegar íslenska ríkið endurfjármagnaði erlendar skuldir upp á um 116 m.a. kr. og lækkuðu vextina um heilt prósentustig,“ sagði Sigmundur og bætti við: „Við stefnum að því að fyrir lok ársins 2020 verði skuldastaða Íslands orðin ein sú besta í Evrópu og það er raunhæft markmið.“

Hverjir eru afturhaldssamir?

Sigmundur sagði marga hafa getað sparað sér æsinginn sem varð þegar bandaríska verslunarkeðjan COSTCO lýsti yfir áhuga sínum á að koma til landsins. „Menn hefðu getað sparað sér stærsta hluta æsingsins ef menn hefðu gert sér grein fyrir því að reglur ESB og EES leyfa ekki innflutning á þessu bandaríska kjöti. Hvað svo sem við hefðum viljað gera, þá hefði það ekki verið heimilt samkvæmt EES-samningnum. Það var skondið við þetta að það voru áköfustu ESB-mennirnir sem töldu það vera einangrunarhyggju að ætla að koma í veg fyrir að bandarískt kjöt kæmi hingað inn.“ 

99% af þessu kjöti sem framleitt er í verksmiðjubúum í Bandaríkjunum er sterakjöt. Sprautað með ýmis konar hormónum til þess að láta skepnurnar vaxa hraðar. Svo eru þær líka fóðraðar á korni. Það veldur því að ýmis bakteríumyndun er meiri í þessum skepnum en í öðrum. Það er brugðist við því á ýmsan hátt, til dæmis með því að þvo kjötið upp úr ammoníaki.“

„Svo er sýklalyfjum dælt í skepnurnar, sem fer svo út í fæðukeðjuna og er mikið áhyggjuefni þegar kemur að ofnotkun á sýklalyfjum og fleira. Maður spyr sig: Hverjir eru gamaldags og afturhaldssamir? Þeir sem vilja styðja við heilnæma og góða matvöru og byggja upp matvælaiðnaðinn hér á landi og til útflutnings, eða þeir sem vilja láta slíkt lönd og leið og telja það einangrunarhyggju að mega ekki flytja inn eins mikið sterakjöt og menn vilja?“

„Það er þeim til ævarandi skammar“

Sigmundur gerði einnig að umfjöllunarefni sínu umræðuna sem spannst í kringum framboð flokksins í Reykjavík í sveitarstjórnarkosningunum. Segir hann umræðuna hafa sprottið úr frá því, hversu illa núverandi stjórnarandstöðuflokkar á Alþingi hafi tekið kosningaósigrinum í síðustu Alþingiskosningum. 

Umræðan er farin að snúast um ímyndarsköpun. Að endurtaka vitleysuna nógu oft svo einhverjir fari að trúa því. Stjórnarandstöðuflokkarnir litu svo á að niðurstöður kosninganna væru rangar niðurstöður. Málflutningurinn mótaðist svolítið af því. Slík umræða hófst í rauninni í kringum Icesave málið árið 2009. Þá fór fólk að henda því fram að Framsóknarflokkurinn væri popúlískur flokkur og setti það í samhengi við þróunina í Evrópu. Ástæðan var sú að flokkurinn vildi ekki að almenningur borgaði fyrir skuldir föllnu fjármálafyrirtækjanna.“

„Nú sjáum við að ísland væri á hausnum ef það hefði verið gert. En það var talið popúlískt! Það var popúlískt að halda því fram að hægt væri að færa niður skuldir heimilanna enn meira.“

„Ég hefði ekki trúað því að óreyndu, að menn myndu leggjast jafnlangt og menn gerðu í kringum sveitarstjórnarkosningarnar, þegar menn reyndu að færa þessa umræðu um popúlisma enn lengra og saka framsóknarmenn um kynþáttahyggju. Flokk sem í næstum því heila öld hefur verið í fararbroddi þegar kemur að mannréttindum.“

„Að menn skuli nýta slíkt mál í pólitískum tilgangi, til að ná höggi á andstæðinganna, er nýr lágpunktur í stjórnmálaumræðu seinni tíma. Það er ekki bara alvarlegt að saka saklaust fólk um þennan hlut, það er líka alvarlegt að nota svo alvarlegt mál í pólitískum tilgangi.“

„Svo var höfuðið bitið af skömminni með því að fara fram á það að Framsóknarmenn biðjist afsökunar á því sem logið var uppá þá. Það er þeim til ævarandi skammar, sem tóku þátt í þessari framgöngu gegn flokknum,“ sagði Sigmundur. 

mbl.is

Bloggað um fréttina

Innlent »

Telja eftirlit með skutulbyssum ábótavant

09:30 Samtökin Jarðarvinir telja að eftirliti með skutulsbyssum Hvals hf. sem notaðar eru við hvalveiðar virðist vera verulega ábótavant og hafa sent lögreglunni á Vesturlandi erindi þess efnis. Meira »

Vatnstjón í Valsheimilinu

09:16 Slökkvilið höfuðborgarsvæðisins var kallað út að Hlíðarenda rétt fyrir sjö í morgun vegna mikils vatnsleka. Unnið er að því að þurrka upp og bera út muni en einhver söguleg verðmæti voru geymd í kjallara Valsheimilisins. Meira »

Dregur framboð til baka

09:01 Jakob S. Jónsson hefur ákveðið að draga framboð sitt til formanns Neytendasamtakanna til baka af persónulegum ástæðum. Þetta kemur fram í tilkynningu sem hann hefur sent frá sér. Meira »

Snjallsímar breyttu stöðunni

08:38 Með langa reynslu af olíumarkaðnum í farteskinu hefur Margrét Guðmundsdóttir farið fyrir stjórn N1 síðustu árin. Nýlega samþykkti Samkeppniseftirlitið kaup þess á Festi og með því er orðinn til smásölurisi sem teygir sig yfir mörg svið, allt frá eldsneytisverslun til raftækja og matvöru. Meira »

Sea Shepherd stofna Íslandsdeild

08:33 Sérstök Íslandsdeild hefur verið stofnuð innan umhverfisverndarsamtakanna Sea Shepherd. Stofnfundurinn var haldinn á skemmtistaðnum Gauknum og var Alex Cornelissen, forstjóri samtakanna á heimsvísu, viðstaddur fundinn. Meira »

Lætur krabbameinið ekki stöðva sig

08:30 Guðrún Sigríður Ágústsdóttir, Sirrý, er 44 ára. Hún segir lífið núna enda talar hún af reynslu. Hún greindist með leghálskrabbamein 2010 og aftur 2015 og þá voru henni gefin eitt til þrjú ár. Á næstu dögum nær hún í grunnbúðir Everest. Meira »

Sprengja úr Dýrafjarðarstafni

08:18 Útlit er fyrir það að öll vötn falli til Dýrafjarðar í apríl ef gangagröfturinn gengur jafn vel og til þessa. Eru um það bil 25 vikur þangað til gangamenn slá í gegn, þangað sem vinnu lauk Arnarfjarðarmegin. Meira »

Hrun í bílasölu eftir að krónan gaf eftir

07:57 Egill Jóhannsson, forstjóri Brimborgar, áætlar að sala nýrra fólksbíla hafi dregist saman um 30% síðustu 3-4 vikur. Samdrátturinn hafi hafist eftir að gengi krónu fór að gefa eftir í sumarlok. Sala til bílaleiga er meðtalin en hlutur hennar í heildarsölunni hefur farið minnkandi. Meira »

Fyrir þá sem vilja vakna brosandi

07:37 K100 er fyrsta útvarpsstöðin sem hefur dagskrá klukkan sex að morgni og munu Jón Axel Ólafsson, Ágeir Páll Ásgeirsson og Kristín Sif Björgvinsdóttir stýra þættinum Ísland vaknar. Segja þau í samtali við blaðamann að þátturinn sé fyrir þá sem vilja vakna brosandi. Meira »

Einmana og félagslega einangruð

06:59 „Við sjáum félagslega einangrun og einmanaleika í stórauknu mæli í samfélaginu öllu – frá barnæsku til efri ára. Við sjáum dæmi þess að félagslegt misrétti og félagsleg einangrun erfist milli kynslóða,“ segir Árni Páll Árnason í nýrri skýrslu um norræna velferðarkerfið. Meira »

„Sunnudagur lítur betur út“

06:38 Alldjúp lægð er nú langt suðvestur af landinu en skilin frá henni ganga yfir í dag. Næsta lægð er væntanleg aðfaranótt laugardags og útlit fyrir storm og mikla rigningu. En huggun harmi gegn þá lítur sunnudagur betur út. Meira »

Sérstök þjónusta fyrir konur

06:32 Velferðarráðuneytið hefur falið Þróunarmiðstöð heilsugæslunnar að útfæra tilraunaverkefni um móttöku innan heilsugæslunnar þar sem konur gætu sótt ráðgjöf og ýmsa þjónustu vegna sértækra heilsufarsvandamála sem eru bundin við konur. Meira »

Heimilisofbeldi og eftirför

05:51 Lögreglunni á höfuðborgarsvæðinu barst tilkynning um heimilisofbeldi í Hafnarfirði í nótt en ofbeldismaðurinn hafði yfirgefið heimilið áður en lögreglan kom þangað. Meira »

Miklar brotalamir í samráðskerfum

05:30 Lýðræðisgáttir Reykjavíkurborgar á netinu eru í lamasessi. Gjörbreyta þarf verkefnum sem borgin hefur hrundið af stað á undanförnum árum til að auka samráð og þátttöku borgaranna. Meira »

Rýfur 500 þúsund eintaka múrinn

05:30 „Á meðan mér finnst ég hafa eitthvað fram að færa sem rithöfundur og fæ hugmyndir til þess að vinna úr held ég áfram,“ segir Arnaldur Indriðason rithöfundur. Meira »

Segist ekki hafa skálað við Kjærsgaard

05:30 „Nei, ég skálaði ekki við hana, ég hitti hana ekki einu sinni,“ segir Halldóra Mogensen, þingmaður Pírata, um ummæli Ásmundar Friðrikssonar, þingmanns Sjálfstæðisflokksins, sem féllu undir liðnum störf þingsins við upphaf þingfundar í gær. Meira »

Þarf að huga að auðlindagjaldi

05:30 Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, telur miklar líkur á að fjárfestingar erlendra aðila í ferðaþjónustu muni aukast á næstu árum, þar sem áhugi fjárfesta á ferðaþjónustu hafi aukist verulega og líklegt sé að sá áhugi muni ná í auknum mæli til erlendra aðila. Meira »

Ekkert bólar á kostnaðarmatinu

05:30 Hvorki stéttarfélögin í Starfsgreinasambandi Íslands og VR né Samtök atvinnulífsins hafa enn birt mat á kostnaði við kjarakröfur félaganna vegna endurnýjunar kjarasamninga. Meira »

Lítið mældist bæði af eldri og yngri loðnu

05:30 Heildarmagn loðnu í leiðangri Hafrannsóknastofnunar í september mældist 337 þúsund tonn og þar af var metin stærð veiðistofns vertíðarinnar 2018/2019 um 238 þúsund tonn. Meira »
Sumarhús með Nissan rafbíl til sölu...
Fallegt sumarhús í Biskupstungum til sölu. 55 fm á einni hæð, viðhaldslaus klæ...
VILTU VITA HVAÐ ER FRAMUNDAN
SPÁI Í TAROT OG BOLLA. þEIR SEM FARNIR ERU SEGJA MER UM FRAMTÍÐ ÞÍNA. ERLA S. 58...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...