Ekki lengur hægt að kaupa vambir
Setja bókamerki
Þeir sem taka slátur þetta haustið verða að notast við gervivambir, eða svokallaða prótínkeppi. Ekki er lengur hægt að kaupa vambir í verslunum hér á landi til sláturgerðar. Síðustu ár hefur Sláturfélag Suðurlands, SS, unnið vambir og selt til verslana hér á landi en ákveðið var að það yrði ekki gert í ár.
Samkvæmt upplýsingum frá SS var ekki hægt að halda vinnslu vambanna áfram með tilliti til kostnaðar. Ýmsir þætti höfðu áhrif, t.d. rýrnun við vinnsluna og þá er tækjabúnaðurinn einnig úreltur.
15 þúsund vambir seldust í verslunum hér á landi síðastliðið haust og komu þær allar frá SS. Margir hafa haft samband við fyrirtækið síðustu daga og vikur og sakna vambanna sem fara nú til fullvinnslu hjá fyrirtæki hér á landi áður en þær eru seldar úr landi.
Þetta haustið fylgja gervivambir, eða svokallaðir prótínkeppir, með hráefninu fyrir sláturgerðina.
mbl.is leit inn í Hússtjórnarskóla Reykjavíkur fyrir tveimur árum og fylgdist með nemendum taka slátur.
Nemendur í HÍ reistu tjaldbúðir án leyfis
Tveir í bílnum sem lenti utan vegar
Beint: Frambjóðendur skila inn listum
„Höfum ekki náð að skríða upp úr þeirri gryfju“
Krefjast stöðvunar framkvæmda
Kostnaður meiri en milljón á fermetra