Starfsfólk Fiskistofu mætt í ráðuneytið

Rúmlega fjörutíu starfsmenn Fiskistofu eru samankomnir í atvinnuvega- og nýsköpunarráðuneytinu.

Samkvæmt heimildum mbl.is ákvað fólkið að mæta í ráðuneytið þar sem það er farið að lengja verulega eftir fundi með Sigurði Inga Jóhannessyni, sjávarútvegs- og landbúnaðarráðherra.

Hefur starfsfólkið ítrekað óskað eftir fundi með honum en ekki orðið að ósk sinni. 

Fyrirhugað er að flytja Fiskistofu til Akureyrar. Starfsmenn Fiskistofu eru ósáttir við þann flutning.

mbl.is