Makrílvinnsla hófst hjá Vinnslustöðinni í Vestmannaeyjum sl. laugardag. Kap VE kom með fyrsta makrílfarminn til Eyja á laugardagsmorgun, um tvö hundruð tonn.
„Við leitum út um allan heim að nýjum mörkuðum. Við höfum aðallega fundið þá í Suðaustur-Asíu og selt makríl til Kína og víðar,“ segir Sigurgeir Brynjar Kristgeirsson framkvæmdastjóri Vinnslustöðvarinnar í samtali í Morgunblaðinu í dag.