Lækkar byggingarkostnað um 1-2 milljónir

Byggingarkostnaður á einföldum minni íbúðum gæti lækkað um 1-2 milljónir ...
Byggingarkostnaður á einföldum minni íbúðum gæti lækkað um 1-2 milljónir að sögn Gísla hjá Búseta. Valdís Þórðardóttir

Breyting á byggingarreglugerð sem undirrituð var í gær er stórt skref í rétta átt varðandi að draga úr byggingarkostnaði og hægja á hækkun fasteignaverðs. Þetta segir Björn Brynjúlfur Björnsson, hagfræðingur hjá Viðskiptaráði.

Gísli Örn Bjarnhéðinsson, framkvæmdastjóri húsnæðissamvinnufélagsins Búseta, tekur í sama streng, segir aukinn sveigjanleika í reglugerðinni og möguleiki á að byggja minni íbúðir koma til með að draga úr kostnaði.

Frétt mbl.is: Lágmarksstærð íbúða 20 fermetrar

Björn Karlsson, forstjóri Mannvirkjastofnunar, segir meiri sveigjanleika geta leitt til minni kostnaðar en þar sem fæstir byggi eftir lágmarksviðmiðum reglugerðarinnar skipti mestu máli að sveitarfélög endurskoði lóðaverð og setji jafnvel skilyrði um minni íbúðir í skipulag þar sem verktakar sjá sér enn lítinn hag í að byggja smærri einingar.

Segir Björn að með þessari breytingu og breytingu síðustu tveggja ára sé nú auðveldlega hægt að byggja 20 fermetra íbúðir en í marga áratugi var ekki í boði að byggja minna en 36 fermetra íbúðir. Segir hann þetta meðal annars geta gagnast nemendum vel sem hafi ekki þörf fyrir mikið pláss og geti nýtt sér sameiginlega þvottaaðstöðu og fleira.

Björn Brynjúlfur hagfræðingur Viðskiptaráð Íslands
Björn Brynjúlfur hagfræðingur Viðskiptaráð Íslands

Töluverð verðlækkun í kjölfar breytinga

Björn Brynjúlfur segir að Viðskiptaráði lítist mjög vel á breytingarnar. Ráðið fór í ítarlega úttekt á byggingarferlinu með Samtökum iðnaðarins á síðasta ári og með þessum breytingum segir Björn Brynjúlfur að meðal annars sé verið að koma til móts við margt af þeim göllum sem þeir hafi bent á.

Þá sé stefnt að einföldun stjórnsýslu sem hafi verið umtalsverð hindrun fyrir verktaka og þá sem vilja gera breytingar.

Frétt mbl.is: Breyting í átt að lægra verði

Í úttekt Viðskiptaráðs og SI var horft til þeirra breytinga sem urðu þegar ný byggingarreglugerð tók gildi árið 2012. Segir hann að sú breyting hafi aukið kostnað smærri íbúða um 10-20%. „Þótt þessi hækkun gangi ekki nema að hluta til baka þá er verðlækkunin töluverð,“ segir Björn Brynjúlfur.

1-2 milljóna minni kostnaður við einfaldar íbúðir

Gísli segir að breytingin núna slaki á ýmsum kröfum sem hafi áður verið til staðar. Nefnir hann t.d. kröfur um geymslustærðir og lágmarksstærð svala og eigna í heild sinni.

„Hver rúmmetri af steypu og landi kostar, sama í hvaða íbúðaformi þú ert í. Neytandinn borgar á endanum,“ segir Gísli. Hann tekur þó fram að dýrasti hluti íbúða sé alla jafna votrými, þ.e. eldhús og baðherbergi. Segir hann þessar breytingar ekki hafa mikil áhrif þar.

Gísli Örn Bjarnhéðinsson, framkvæmdastjóri Búseta.
Gísli Örn Bjarnhéðinsson, framkvæmdastjóri Búseta.

Eins og Björn og Björn Brynjúlfur bendir Gísli á að sveigjanleikinn til að gera minni íbúðir geti skilað sér fljótt í lægra verði fyrir fyrstu íbúð. Bæði sé það vegna þess að byggingarkostnaður lækki eitthvað og að með möguleika á minni íbúð verði hægt að spara fermetrafjölda og það lækki jú verð að byggja minna.

„Þetta gæti leitt til umtalsverðrar lækkunar,“ segir hann og bætir við að fyrir einfalda íbúð geti þetta þýtt 1-2 milljóna lækkun. Fyrir stærri íbúðir sé lækkunin hlutfallslega minni.

Hefði getað sparað Búseta hálfan milljarð

Búseti er nú með í byggingu á þriðja hundrað íbúðir á svokölluðum Einholtreit í Reykjavík. Gísli segir að fyrri reglugerð hafi haft  talsverðan aukakostnað í för með sér fyrir félagið.

Segir hann að miðað við breytingarnar núna hafi félagið getað sparað sér um hálfan milljarð vegna þessa eina reits. Hann tekur þó fram að eitthvað af þessari kostnaðarhækkun muni ganga til baka núna eftir breytingu, en þó sé um talsvert mikinn aukakostnað að ræða fyrir félagið.

Frá framkvæmdum við Einholtsreitinn. Búseti hefði getað sparað sér hundruð ...
Frá framkvæmdum við Einholtsreitinn. Búseti hefði getað sparað sér hundruð milljóna ef ný byggingarreglugerð hefði verið samþykkt þegar framkvæmdir hófust að sögn framkvæmdastjóra. Eggert Jóhannesson

Boltinn nú hjá skipulagsyfirvöldum bæjarfélaga

Gísli segir breytinguna núna líklega halda eitthvað aftur af verðhækkunum, en að grunnvandinn sé umframeftirspurn á markaði eftir húsnæði. Segir hann að skipulagsyfirvöld í bæjarfélögum á höfuðborgarsvæðinu þurfi í auknum mæli að forskrifa litlar íbúðir í skipulag.

Segir hann að þær lóðir sem sé úthlutað séu oft stórar og í lóðaverði sé borgað fyrir hámarks fermetrafjölda sem er leyfður á lóðinni. Enginn afsláttur sé gefinn ef sá fjöldi sé ekki nýttur að fullu. „Ef þú byggir hús og fullnýtir ekki fermetrana ertu farinn að tapa og ósamkeppnisfær þar sem þú ert dýrari,“ segir Gísli. Segir hann rétt að horfa frekar til nýttra fermetra.

Björn hjá Mannvirkjastofnun segir að þótt gerðar hafi verið miklar breytingar á byggingarreglugerð undanfarin ár hafi sjálfur byggingarkostnaðurinn þegar lóðaverð er dregið frá lítið hafa breyst.

Vísar hann þar í greiningu hagfræðingsins Magnúsar Árna Skúlasonar frá því fyrir þremur árum þar sem niðurstaða hans hafi verið að þrátt fyrir mikið flökt á markaðsverði hafi byggingarkostnaður verið nokkuð stöðugur (sjá hér á 14:20). 

Björn Karlsson, forstjóri Mannvirkjastofnunar.
Björn Karlsson, forstjóri Mannvirkjastofnunar.

Björn telur þó aukinn sveigjanleika af hinu góða og sem dæmi hafi lengi verið krafa um minnst 7 fermetra eldhús. Fyrir ári síðan var sett inn markmiðskrafa um að í eldhúsi skuli vera hægt að elda og vista mat. Segir hann að nú sé því hægt að byggja mun minni íbúðir en verið hefur.

Vandamálið er þó umframeftirspurnin á markaðinum og meðan hún sé og ekki sé gerður neinn hvati til að byggja minni íbúðir af hálfu skipulagsyfirvalda muni verktakar byggja stærri íbúðir og auðvitað selja þær á markaðsverði, en ekki kostnaðarverði. Það sé þó hægt að byggja mun minni íbúðir en áður og slíkt ætti að gefa til lengri tíma svigrúm fyrir lægra verð.

mbl.is

Bloggað um fréttina

Innlent »

Tæplega 1800 skjálftar á sólarhring

Í gær, 19:47 Skjálftahrinan við Grímsey heldur ótrauð áfram og hafa tæplega 1800 jarðskjálftar mælst á svæðinu frá því á miðnætti. „Það er engin sérstök breyting greinanleg, þetta er á mjög svipuðu róli og undanfarið,“ segir Salóme Jórunn Bernharðsdóttir, náttúruvársérfræðingur hjá Veðurstofu Íslands. Meira »

Vann 52 milljónir í lottóinu

Í gær, 19:26 Einn var með allar tölur réttar í lottóinu í kvöld og fær hann 52,3 milljónir króna í sinn hlut.  Meira »

Ískaldir ferðamenn elska Ísland

Í gær, 18:33 Á meðan landinn þráir sól og hita er bærinn fullur af ferðamönnum sem virðast ekki láta kulda, snjókomu, rigningu og rok stöðva sig í því að skoða okkar ástkæra land. Blaðamaður fór á stúfana til að forvitnast um hvað fólk væri að sækja hingað á þessum árstíma þegar allra veðra er von. Meira »

4 fluttir á slysadeild

Í gær, 18:24 Fjórir voru fluttir á bráðamóttökuna í Fossvogi eftir tvo þriggja bíla árekstra á höfuðborgarsvæðinu á sjötta tímanum.  Meira »

Harður árekstur í Kópavogi

Í gær, 17:28 Töluverðar tafir eru á umferð á Hafnarfjarðarveginum í suðurátt en harður árekstur varð undir Kópavogsbrúnni.   Meira »

Par í sjálfheldu á Esjunni

Í gær, 17:22 Björgunarsveitarmenn eru á leið upp Esjuna til þess að koma pari til aðstoðar sem er í sjálfheldu. Að sögn Davíðs Más Bjarnasonar, upplýsingafulltrúa Landsbjargar, eru þau vel búin og væsir ekki um þau. Meira »

Aðstæður eins og þær verða bestar

Í gær, 16:44 „Þetta er búinn að vera frábær dagur,“ segir Magnús Árnason, framkvæmdastjóri skíðasvæðanna í Bláfjöllum og Skálafelli. Aðstæður til skíðaiðkunar í nágrenni höfuðborgarsvæðisins hafa verið góðar í dag en það snjóaði töluvert í nótt. Meira »

Hálkublettir á höfuðborgarsvæðinu

Í gær, 17:16 Hálkublettir eru á höfuðborgarsvæðinu og á Reykjanesbraut en á Suðurlandi er hálka eða snjóþekja á vegum.  Meira »

Fjórmenningunum sleppt úr haldi

Í gær, 16:10 Fjórmenningarnir sem eru til rannsóknar vegna líkamsárásar og frelsissviptingar á Akureyri hefur öllum verið sleppt úr haldi. Gæsluvarðhaldsúrskurður yfir mönnunum rann út klukkan þrjú í dag en þremur þeirra var sleppt í gærkvöldi og einum í dag, samkvæmt upplýsingum frá Bergi Jónssyni, lögreglufulltrúa hjá lögreglunni á Norðurlandi. Meira »

Von á enn einum storminum

Í gær, 15:43 Von er á enn einum storminum á morgun þegar gengur í suðaustan hvassviðri eða storm seint á morgun á Suður- og Vesturlandi. Gul viðvörun er í gildi á öllu landinu. Meira »

Var með barnið á heilanum

Í gær, 15:10 Tæplega sextugur karlmaður situr í gæsluvarðhaldi grunaður um alvarleg kynferðisbrot gagnvart ungum pilti og að hafa haldið honum nauðugum í fleiri daga í síðasta mánuði. Pilturinn er átján ára gamall í dag en brotin hófust þegar hann var 15 ára. Meira »

Vigdís vill verða borgarstjóri

Í gær, 14:42 Vigdís Hauksdóttir, oddviti Miðflokksins í Reykjavík, segist stefna að því að flokkurinn nái 4-6 borgarfulltrúum í komandi sveitarstjórnarkosningum. Þá fari hún fram sem borgarstjóraefni flokksins og vilji verða borgarstjóri Reykjavíkur. Meira »

Kvennaathvarfið ætlar að reisa 16 íbúðir

Í gær, 14:12 „Þetta endurspeglar það sem ég hef haft áhuga á,“ segir Eygló Harðardóttir, fyrrverandi ráðherra. Hún hefur verið ráðinn sem verkefnisstjóri hjá Kvennaathvarfinu þar sem hún mun vera í forystu í húsnæðissjálfseignastofnun sem Kvennaathvarfið hefur stofnað vegna áætlana um að byggja 16 íbúðir. Meira »

„Þetta er góður og rólegur strákur“

Í gær, 12:42 „Mér skilst að bílstjórinn hafi verið miður sín og að þetta hafi komið á óvart. Þetta er góður og rólegur strákur,“ segir Guðmundur Heiðar Helguson, upplýsingafulltrúi Strætó. Strætóbílstjóri var handtekinn síðdegis í gær fyrir að hafa ráðist á pilt. Meira »

Bestu fréttirnar í langan tíma

Í gær, 11:38 Fjölskylda Sunnu Elviru Þorkelsdóttur á ekki von á neinum viðbrögðum frá Spáni um helgina en greint var frá því í Morgunblaðinu í dag að einungis ætti eftir að ganga frá formsatriðum varðandi það að íslenska lögreglan taki yfir mál Sunnu og hún verði laus úr farbanni. Meira »

Vilja kostnaðartölur upp á borðið

Í gær, 13:43 Oddný Harðardóttir, þingflokksformaður Samfylkingarinnar, og Lilja Alfreðsdóttir, þingmaður Framsóknarflokksins og mennta- og menningarmálaráðherra, segja báðar að gögn um greiðslur til þingmanna og kostnað sem greiddur væri af ríkinu fyrir störf þeirra ættu að vera upp á borðinu. Meira »

Gáfu út ákæru sem þeir máttu ekki gera

Í gær, 12:08 Landsréttur vísaði í gær frá máli sem lögreglustjórinn á Norðurlandi vestra hafði ranglega ákært í fyrir tveimur árum. Hafði maður verið ákærður fyrir að aka án skráningarmerkja og á ótryggðri bifreið og í kjölfarið haft í hótunum við lögregluna. Meira »

Fundu ástina í Costco og barn á leiðinni

Í gær, 11:00 Einhverjir vilja meina að áhrif Costco á íslenska smásöluverslun séu veruleg. Aðrir telja áhrifin ofmetin. Á þessu eru skiptar skoðanir og eflaust túlkunaratriði hvort er rétt. Það er hins vegar óhætt að fullyrða að áhrif Costco á líf Þóreyjar og Ómars hafi verið ansi dramatísk. Meira »
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
Sendibílaþjónustan Skutla. Sími 867-1234
Tökum að okkur allrahanda sendibílaþjónustu á sanngjörnu verði. Sjá nánar á www....
Chesterfield sófasett til sölu
Tignarlegt Chesterfield sófasett til sölu. Vel með farið. Í settinu fylgir þrigg...
 
Uppboð
Tilkynningar
UPPBOÐ Boðnir verða up...
Vélavörður
Sjávarútvegur
Vélavörður Vísir hf. óska...
Félagsslíf
Staður og stund
Aflagrandi 40 Opin vinnustofa kl. 9, jóg...
Úthlutun
Tilkynningar
Auglýsing vegna úthlutunar byggð...