Héraðsdómur hefur framlengt gæsluvarðhald yfir þeim sem grunaðir eru um aðild að skotárásinni sem átti sér stað í Fellahverfi í Breiðholti í ágústmánuði. Ákvörðunin er sögð byggja á almannahagsmunum.
Annar maðurinn verður í gæsluvarðhaldi til 24. september en hinn verður til 7. október. Ekki fengust upplýsingar hjá lögreglu um það hvers vegna mennirnir verða mislengi í haldi. Mennirnir tveir eru bræður og er annar 29 ára en hinn 28 ára.
Í skotárásinni var afsögðuð haglabyssa notuð til þess að skjóta m.a. á rauða bifreið. Fyrir tæpum mánuði fann lögreglan í ruslageymslu fjölbýlishúss afsagaða haglabyssu með blóðkámi sem talin er hafa verið notið í árásinni.