Drengir mega nú, samkvæmt nýjum úrskurðum mannanafnanefndar sem birtir hafa verið á heimasíðu innanríkisráðuneytisins, heita Þrymir, Reynarð, Korri, Hector.

Stúlk­ur mega þá bera nöfnin Lalíla, Gabriela og Elizabet og fæst síðastnefnda nafnið samþykkt þrátt fyrir að zeta sé ekki lengur í íslensku stafrófi á þeim grundvelli að nafnið komi fyrir í níu manntölum frá árabilinu 1703-1920.

Stúlkur mega hins vegar ekki bera nafnið Thalía

Mannanafnanefnd heimilaði sömuleiðis millinafnið Vídó á þeim grundvelli að þó nafnið uppfylli ekki almenn skilyrði mannanafnalaga um millinöfn, þá séu slík nöfn heimil þegar einhver ættingi hafi áður borið nafnið sem eignnafn eða millinafn. Í þessu tilfelli sé óumdeilt að nafnið hafi verið notað í fjölskyldunni.

Þá fellst mannanafnanefnd á kenninafnið Pálsdóttir, vegna beiðni um að eiginnafnið Pawel sé lagað að íslensku máli og verði þar með Pálsdóttir.

Tengdar fréttir

Mannanafnalög

Nú má heita Strympa og Doddi

• Dylan, Óríon, Lucy og Telekía fá grænt ljós
• Mannanafnalög ógni hugsanlega málkerfinu
• Fyrstu kynhlutlausu nöfnin samþykkt
• Ekki einhugur um mannanafnafrumvarp innan VG

» Fleiri tengdar fréttir

• Blogga um frétt