Næsti fundur í kjaradeilu kennara og Sambands íslenskra sveitarfélaga hjá ríkissáttasemjara er á morgun kl. 13. Í dag var vinnufundur hjá samninganefndunum í tvennu lagi.
„Við erum alltaf að vinna á fullu að ná þessu saman, reikna og velta upp málunum. Tíminn er naumur og við reynum að vinna að þessu á fullu,“ segir Ólafur Loftsson, formaður Félags grunnskólakennara.
Margir grunnskólakennarar líta til mánaðamóta og segja að samningur verði að vera kominn fyrir þann tíma.
Kennarar munu ganga út kl. 12.30 á miðvikudaginn ef ekki verður búið að semja.
Frétt mbl.is: Ætla að ganga út á hádegi á miðvikudag
Síðasti fundur samninganefndanna hjá ríkissáttasemjara var í gær.
Ólafur segir andrúmsloft hjá kennurum vera sérstakt. „Það er hugur í fólki en það er líka þungt yfir því yfir stöðunni.“