„Öll störf eru kvennastörf“

Guðrún Svava er nemandi í bifvélavirkjun en á Íslandi hafa ...
Guðrún Svava er nemandi í bifvélavirkjun en á Íslandi hafa 2.258 einstaklingar lokið sveinsprófi í bifvélavirkjun, þar af 15 konur. Mynd/Kvennastarf

„Öll störf eru kvennastörf,“ eru einkunnarorð átaksins #kvennastarf sem hófst í vikunni. Margir hafa eflaust tekið eftir myllumerkinu á samfélagsmiðlum en um er að ræða átak og kynningarherferð á vegum Samtaka iðnaðarins og Tækniskólans, í samstarfi við alla iðn- og verkmenntaskóla á Íslandi. Markmið átaksins er að hvetja ungar stúlkur og konur til að skrá sig í nám í þessum svokölluðu „karllægu greinum“.

 „Kveikjan er kannski fyrst og fremst svona sameiginlegt markmið allra iðn- og verkmenntaskólanna og Samtaka iðnaðarins um að fá fleiri grunnskólanemendur til þess að skrá sig í iðn- og tækninám,“ segir Ólafur Sveinn Jóhannesson, deildarstjóri markaðs- og kynningardeildar Tækniskólans, og einn talsmanna átaksins.

Helga Sif er nemandi á rennismíðabraut en frá upphafi hafa ...
Helga Sif er nemandi á rennismíðabraut en frá upphafi hafa aðeins 10 konur lokið sveinsprófi í faginu. Mynd/Kvennastörf

„Heitt málefni“

Átakið #kvennastarf hefur farið vel af stað og segir Ólafur Sveinn viðbrögðin afar jákvæð.

„Við höfum fengið ótrúlega jákvæð og góð viðbrögð. Facebook-síðan var sett í loftið á mánudaginn og við erum komin með tæplega 3.500 „læk.“ Þetta er heitt málefni þannig séð en nánast allir eru sammála um að þetta er þörf umræða.“

Á vefsíðu átaksins, www.kvennastarf.is, má meðal annars sjá samantekt á kynjahlutföllum meðal þeirra sem lokið hafa sveinsprófi í hinum ýmsu iðngreinum en hluti af átakinu felst einnig í myndböndum þar sem talað er við konur í iðn- og verkgreinum og segir Ólafur Sveinn að í þeim sé ýmislegt áhugavert og fróðlegt að finna.

„Myndböndin eiga það öll sameiginlegt að segja sögu fyrstu konunnar sem menntaði sig í viðkomandi grein í bland við viðtöl við stelpur sem eru að læra í dag. Það eru stórar og litlar sögur á bak við ákvarðanir þessara kvenna.“

Andrea T. og Birna Borg eru nemendur á atvinnuflugmannsbraut. „Um ...
Andrea T. og Birna Borg eru nemendur á atvinnuflugmannsbraut. „Um það bil 110.000 flugmenn eru starfandi í heiminum í dag og samkvæmt nýjustu könnunum eru um 5000 þeirra konur og 1500 flugstjórar,“ segir á vefsíðu átaksins. Mynd/Kvennastörf

Í fyrsta myndbandinu, sem frumsýnt var á þriðjudaginn, er fjallað um kvenkyns pípara en það var ekki fyrr en árið 1990 sem fyrsta konan lauk sveinsprófi í pípulagningu. „Aðeins fjórar konur í sögu iðnmenntunnar hafa útskrifast sem píparar. Það eru líka svolítið sláandi tölur,“ segir Ólafur Sveinn en alls hafa 1.159 manns lokið sveinsprófi í greininni.

Annað myndbandið segir frá konum í matreiðslu en í því þriðja er sagt frá konum í flugi. Í dag eru 807 flugmenn og flugstjórar starfandi hjá helstu flugfyrirtækjum á Íslandi en þar af eru aðeins 57 konur. Þriðja myndbandið má sjá hér að neðan en fyrri myndbönd herferðarinnar má finna á Facebook-síðu átaksins.

84% sveinsprófa til karlmanna

„Þegar við hjá Tækniskólanum fórum að hugsa um eitthvert átak í þessum efnum fórum við að rýna aðeins í tölurnar og þá sló þetta okkur dálítið,“ segir Ólafur Sveinn en 84% allra sveinsprófa á Íslandi hafa farið til karlamanna.

„Þetta eru svolítið sláandi tölur en kannski skiljanlegar í ljósi þess að þetta er auðvitað yfir mjög langan tíma, við höfum verið með þessa menntun í yfir 100 ár.“

Aðstandendum herferðarinnar fannst því kjörið að efna til átaks sem hefði það að markmiði að kynna iðn- og verkgreinar fyrir ungum stúlkum sem munu velja sér framhaldsskóla á næstu árum.

„Það getum við kannski einna best með því að varpa ljósi á fáar en virkilega flottar fyrirmyndir í þessum karllægu greinum. Þessi hugmynd að lítilli kynningarherferð varð að þessu stóra átaki.“

Ynja Blær sat fyrir á myndatöku fyrir átakið því engin ...
Ynja Blær sat fyrir á myndatöku fyrir átakið því engin stelpa var við nám í pípulögnum þegar myndin var tekin. Aðeins 4 konur hafa frá upphafi lokið sveinsprófi í faginu en 1.155 karlmenn. Mynd/Kvennastarf

Að sögn Ólafs Sveins er markmið átaksins því bæði að kynna iðn- og verkgreinar fyrir ungum stúlkum og að hvetja ungt fólk almennt til að skrá sig í iðn- og verknám.

„Efling kvenna hefur líka verið mikið í umræðunni og nýlegar rannsóknir hafa sýnt að fólki líður almennt betur á vinnustöðum þar sem er jafnt hlutfall kvenna og karla. Það er ekki endilega þannig að stelpurnar sem eru að sækja um í þessum störfum mæti einhverju mótlæti eða slíku heldur er mjög vel tekið á móti þeim. Þær eiga oft mjög auðvelt með að fá vinnu því þetta er eitthvað sem fyrirtækin þyrstir í,“ segir Ólafur Sveinn og hann segir það sama uppi á teningnum varðandi stráka í kvenlægum greinum.

„Strákar sem læra til dæmis hárgreiðslu eiga oft auðvelt með að fá vinnu vegna þess að mörg fyrirtæki vilja hafa þessa fjölbreytni.“

mbl.is

Innlent »

Út af veginum við Höfðabakka

08:33 Tilkynnt um umferðaróhapp á Höfðabakka laust fyrir miðnætti. Þar hafði bifreið verið ekið út af veginum.  Meira »

Fastir veturgestir við Ísland

08:18 Óvenju margir haftyrðlar fundust á götum Vestmannaeyjabæjar í desember og janúar, að því er segir á heimasíðu náttúrugripasafnsins Sæheima. Haftyrðill er minnstur svartfugla og hánorræn tegund. Meira »

„Kallast á við umhverfið“

07:57 Landsbankinn hefur ákveðið að semja við Arkþing ehf. og C.F. Møller um hönnun og þróun á nýbyggingu bankans við Austurhöfn í Reykjavík. Sex af sjö arkitektateymum sem völdust til að gera frumtillögur skiluðu tillögum. Meira »

Tveir fangelsaðir í Eyjum

07:53 Tveir karlmenn voru látnir gista fangageymslur lögreglunnar í Vestmannaeyjum í nótt.  Meira »

Suðaustanstormur á leið austur

07:39 Suðaustanstormur er á leið austur yfir landið og rignir talsvert samfara skilunum. Mikil úrkoma verður suðaustanlands fram undir hádegi. Meira »

Ný Hótel Örk opnuð í maí

07:37 Áformað er að taka nýja álmu á Hótel Örk í notkun 15. maí næstkomandi. Með henni tvöfaldast fjöldi herbergja á hótelinu. Verkið hefur unnist hratt en framkvæmdir hófust á síðari hluta árs í fyrra. Meira »

Andlát: Jóhannes Sigmundsson í Syðra-Langholti

05:30 Jóhannes Sigmundsson, fyrrverandi bóndi og kennari í Syðra-Langholti 3 í Hrunamannahreppi, er látinn, 86 ára að aldri.  Meira »

Tugum dýra bjargað - metfjöldi útkalla

07:18 Slökkviliðið á höfuðborgarsvæðinu ásamt björgunarsveit björguðu tugum dýra í Fjárborgum við Suðurlandsveg í nótt en flætt hafði inn í hesthús og fjárhús. Alls sinnti slökkviliðið um 100 útköllum frá því um miðjan dag í gær, sem er met. Meira »

Gefur kost á sér sem varaformaður

05:30 Þórdís Kolbrún Reykfjörð Gylfadóttir iðnaðar- og nýsköpunarráðherra hefur ákveðið að gefa kost á sér sem varaformaður Sjálfstæðisflokksins. Meira »

Bíður eftir svörum

05:30 Umboðsmaður borgarbúa þarf að jafnaði að bíða í 80 daga eftir svörum frá umhverfis- og skipulagssviði Reykjavíkurborgar.  Meira »

Vel veiðist af kolmunna við Írland

05:30 Uppsjávarskipin Guðrún Þorkelsdóttir SU og Beitir NK fengu góðan kolmunnaafla suðvestan við Írland í vikunni.  Meira »

Genis í stórsókn

05:30 Hilmar Janusson forstjóri líftæknifyrirtækisins Genis á Siglufirði, sem er í eigu Róberts Guðfinnssonar athafnamanns, segir fyrirtækið undirbúi nú næstu stóru skrefin á markaði. Meira »

Þrýsta á byggingu nýrra hverfa

05:30 Tafir á „losun byggingarlands“ í Vatnsmýri hafa aukið þrýsting á flutning landfrekrar og grófrar iðnaðarstarfsemi úr Ártúnshöfða. Meira »

Nokkrar kannabisræktanir stöðvaðar

05:30 Lögreglan á höfuðborgarsvæðinu stöðvaði nokkrar kannabisræktanir í umdæminu.   Meira »

„Staðan er hræðileg“

00:19 „Staðan er hræðileg. Við erum með allt úti, allar okkar dælur, allan okkar mannskap og við eru slá met í útkallafjölda. Það er allt á floti í bænum.“ Svo mörg eru orð fulltrúa slökkviliðsins á höfuðborgarsvæðinu rétt fyrir miðnætti í kvöld. Meira »

53 þúsund laxar drápust

05:30 Liðlega 53 þúsund laxar drápust í sjókví Arnarlax í Tálknafirði eftir skemmdir sem urðu á kvínni í óveðri í byrjun vikunnar. Það er svipað magn af laxi og stangveiðimenn veiddu í öllum ám landsins árið 2016. Meira »

Ekki vanhæf til að meta starfsfélaga

05:30 Guðlaug Kristjánsdóttir, sjúkraþjálfari og stjórnarformaður Bjartrar framtíðar, var einn þriggja nefndarmanna sem mátu hæfi umsækjenda um stöðu landlæknis. Meira »

mbl.is tilnefndur

00:01 Morg­un­blaðið og mbl.is eru til­nefnd til blaðamanna­verðlauna fyr­ir árið 2017 en dóm­nefnd á veg­um Blaðamanna­fé­lags Íslands hef­ur birt til­nefn­ing­ar sín­ar til verðlaun­anna sem verða afhent í Hörpu laugardaginn 3. mars. Meira »
Chesterfield sófi.
Til sölu þessi gullfallegi Chesterfield leðursófi. Til sýnis í versluninni Notað...
VÖNDUÐ OG VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
EIGUM ALLSKONAR STIGA Á LAGER
Einnig sérsmíði, sjáið úrvalið t.d. á: www.sogem-stairs.com/en_home-home.php L...
Egat-Luxe Ferðanuddstóll fyrir nuddara,Tilvalið í Vinnustaðanudd
Egat-Luxe Ferðanuddstóll fyrir nuddara,Tilvalið í Vinnustaðanudd - Borgar stólin...
 
Breyting á deiliskipulagi í flatey
Leikskólakennsla
Breyting á deiliskipulagi í Flat...
Framhald uppboðs
Nauðungarsala
Uppboð Einnig birt á www.naudungarsolu...
Formannskjör
Fundir - mannfagnaðir
Formannskjör í Sjúkraliðafélagi Ísla...
Hádegisfundur
Fundir - mannfagnaðir
ses.xd.is Samtök eldri sjálfstæði...