Tvær deildir á tveimur árum

Liðsmenn Gnúpverja hafa æft af kappi í sumar, þ. á ...
Liðsmenn Gnúpverja hafa æft af kappi í sumar, þ. á m. þeir Haukur, Hraunar, Þórir og Bjarki. mbl.is/Árni Sæberg

„Við spilum með hjartanu og hver fyrir annan,“ segir Jóhannes Helgason, einn liðsmanna meistaraflokks Gnúpverja í körfuknattleik, um ótrúlegan uppgang liðsins undanfarin tvö ár.

Síðan körfuboltadeild félagsins var stofnuð árið 2015 hefur liðið farið upp um tvær deildir og mun í ár leika í næstefstu deild. Liðið leikur heimaleiki sína í íþróttahúsi gamla Kennaraháskólans í Reykjavík og greiða liðsmenn fyrir leigu húsnæðisins.

„Við erum ekki með neitt íþróttahús í sveitinni og höfum greitt úr eigin vasa fyrir æfinga- og keppnisaðstöðu hér í bænum. Leikmenn hafa því verið að greiða með þessu, ásamt því reyndar að fá styrki frá fyrirtækjum,“ segir Jóhannes og bætir við að enginn leikmanna fái greitt eða hljóti nokkurs konar hlunnindi fyrir það að spila með liðinu. „Þetta eru mestmegnis sömu leikmenn sem spila með liðinu núna og þegar það var stofnað. Við höfum allir verið að gera þetta okkur til gamans og ekki hlotið neitt fyrir nema ánægjuna, sem gerir þetta auðvitað enn skemmtilegra,“ segir Jóhannes.

Hefur mikla trú á liðinu

Lið Gnúpverja í ár mun að mestu leyti samanstanda af sömu leikmönnum og síðustu ár en Jóhannes telur liðið eiga fullt erindi í fyrstu deild.

„Við teljum okkur eiga góða möguleika í þessari deild. Við erum ekki að mæta hingað til að vera boxpúði fyrir önnur lið í deildinni og hrapa beint aftur niður. Ég hef mikla trú á hópnum enda eru strákar í honum sem eru staðráðnir í að sanna að þeir eigi fullt erindi í efstu deildirnar hér heima,“ segir Jóhannes, sem á þó von á að einhverjir leikmenn bætist í hópinn þegar nær dregur tímabili.

Í sumar hafa liðsmenn Gnúpverja æft af kappi fyrir komandi átök en auk körfuboltaþjálfunar hefur liðið sótt styrktaræfingar í Sporthúsinu í Kópavogi.

„Við höfum alltaf æft þrisvar í viku en ákváðum í ár að bæta við æfingum í Sporthúsinu til þess að styrkja okkur fyrir þessa erfiðu deild. Við erum því búnir að leggja mikið á okkur og vonandi skilar það sér í góðum árangri á vellinum í vetur,“ sagði Jóhannes að lokum.

Ný sending væntanleg

Til að safna fyrir leigu og öðrum tilfallandi kostnaði á komandi tímabili hafa Gnúpverjar brugðið á það ráð að selja ársmiða í formi derhúfna. Þessi nýbreytni hefur vakið mikla athygli og eru derhúfurnar uppseldar. Jóhannes segir að von sé á annarri sendingu á næstunni. „Við pöntuðum 100 húfur sem kostuðu 4.000 krónur hver. Þær seldust því fljótlega upp enda frekar ódýr ársmiði. Það var enn mikill áhugi fyrir þessu og við þurftum því að bregðast við og ákváðum að panta nýja sendingu, sem er væntanleg á næstunni,“ segir Jóhannes, sem vonar að salan muni standa straum af kostnaðinum sem leikmenn þurftu áður að bera. Sala á derhúfunum fer fram á heimasíðu Gnúpverja, gnupnation.is.

Innlent »

„Dónaskapur“ að fresta framkvæmdum

22:02 Bæjarráð Kópavogs hefur lýst yfir vonbrigðum með nýja samgönguáætlun ríkisstjórnarinnar fyrir árin 2019-2033 og segir frestun á framkvæmdum við Arnarnesveg til ársins 2024 vera dónaskap. Meira »

„Algjörlega óboðleg vinnubrögð“

21:39 „Ég átta mig ekki á því hvort þetta sé einskært þekkingarleysi, eða hvort þeim finnist einfaldlega í lagi að breyta lögunum að eigin vild. Þetta eru náttúrulega algjörlega óboðleg vinnubrögð, í félagi sem fer með hagsmunagæslu okkar og á að starfa í umboði okkar, að það sé ekki meira gegnsæi til staðar.“ Meira »

Æft á morgun í Valsheimilinu

21:37 „Það verður æft á morgun í Valsheimilinu,“ segir Lárus Blöndal Sigurðsson framkvæmdastjóri Vals í samtali við mbl.is. Ljós komst aftur á á Hlíðarenda á níunda tímanum í kvöld, eftir mikið vatnstjón í húsinu. Meira »

Hafna vinnupíningu sem svari við vandamálum

21:11 Stjórn Eflingar – stéttarfélags tekur undir með Öryrkjabandalaginu að stjórnvöldum beri að efla núverandi kerfi örorkumats í stað þess að „efna til tilraunastarfsemi með líf og kjör öryrkja undir merkjum svokallaðs starfsgetumats“ sem sagt er hafa gefist afar illa í nágrannalöndunum. Meira »

Hlaut bókmenntaverðlaun Tómasar Guðmundssonar

20:58 Haukur Ingvarsson hlaut í dag 18. október Bókmenntaverðlaun Tómasar Guðmundssonar árið 2018 fyrir ljóðahandritið Vistarverur. Þórdís Lóa Þórhallsdóttir, staðgengill borgarstjóra, veitti verðlaunin sem nema 800 þúsund krónum. Meira »

Leita að nýju húsnæði fyrir Vínskólann

20:51 Aflýsa varð fyrirhugðum hausnámskeiðum Vínskólans um vín og mat eftir að Hótel Reykjavík Centrum, sem hefur hýst námskeiðin síðan 2005, greindi forsvarsmönnum frá að þeir hafi lokað veitingahúsinu Fjalakettinum. Meira »

Ábyrgðin felld niður því greiðslumat skorti

19:52 Hæstiréttur Íslands felldi í dag úr gildi sjálfskuldarábyrgð móður vegna námslána sem dóttir hennar tók hjá Lánasjóði íslenskra námsmanna. Var það niðurstaða Hæstaréttar að ógilda ætti sjálfskuldarábyrgðina þar sem LÍN hafi ekki látið framkvæma fullnægjandi greiðslumat áður en lánið var veitt. Meira »

„Alveg á hreinu“ að Dagur vissi ekkert

19:40 Hrólfur Jónsson, fyrrverandi skrifstofustjóri skrifstofu eigna og atvinnuþróunar hjá Reykjavíkurborg, neitar því að hafa nokkurn tíma rætt framúrkeyrsluna við Nauthólsveg 100 við Dag B. Eggertsson borgarstjóra. Meira »

Lyf og heilsa greiði 4,5 milljónir í bætur

19:38 Hæstiréttur hefur dæmt Lyf og heilsu til að greiða Apóteki Vesturlands fjórar og hálfa milljón í bætur vegna samkeppnisbrota. Tveir dómarar skiluðu sérákvæði og töldu ekki sannað að Apótek Vesturlands hefði orðið fyrir fjártjóni vegna samkeppnisbrotanna. Meira »

Ofbeldið hefur lítil áhrif á dóma

18:44 Ef annar aðilinn í sambandinu er beittur ofbeldi reynir hinn oft að draga lappirnar út í hið óendanlega í skilnaðarferli. Þetta sagði Sigríður Vilhjálmsdóttir lögmaður á ráðstefnunni „Gerum betur“. Yfirskrift erindis hennar var „Eru skilnaðar- og forsjármál nýr vettvangur fyrir ofbeldi maka?“ Meira »

Ástríða og mikil vinnusemi

18:37 Konurnar í verkum Picasso, listmálarans fræga, eru komnar til Reykjavíkur. Þær birtast nú nánast ljóslifandi í myndum Sigurðar Sævars Magnússonar myndlistarmanns sem í kvöld kl. 20 opnar sína 20. einkasýningu í listhúsinu Smiðjunni við Ármúla í Reykjavík. Meira »

Hreimur Örn gestasöngvari í Salnum

18:35 Annað kvöld klukkan 19:30 verða öll bestu lög Burt Bacharach flutt á tónleikum í Salnum, Kópavogi. Söngkonan Kristín Stefánsdóttir syngur en með henni verður stórskotalið tónlistarmanna. Meira »

Heræfing sama dag „óheppileg tilviljun“

18:27 Samtök hernaðarandstæðinga ætla í sögu- og menningarferð um Þjórsárdal á laugardaginn þar sem þeir hyggjast verja deginum í að skoða náttúru og söguminjar. „Mjög óheppileg tilviljun,“ segir Guttormur Þorsteinsson, formaður samtakanna, um heræfingu Atlantshafsbandalagsins sem fer fram í Þjórsárdal sama dag. Meira »

Fyrirhugaður samruni ógiltur

18:01 Samkeppniseftirlitið hefur ógilt samruna sem áformaður var með kaupum Lyfja og heilsu hf. á Opnu ehf. Ef samruninn yrði að veruleika myndi sú samkeppni sem Apótek MOS veitir umræddu útibúi Lyfja og heilsu hverfa, að því er fram kemur í tilkynningu frá Samkeppniseftirlitinu. Meira »

Brotið gegn innkaupareglum

17:42 Brotið var gegn innkaupareglum Reykjavíkurborgar við endurgerð braggans við Nauthólsveg 100. Þetta er mat borgarlögmanns, sem segir skrifstofu eigna og atvinnuþróunar hins vegar ekki hafa brotið lög með gjörningum sínum. Meira »

5 mánuðir fyrir árás á fyrrverandi

17:39 Héraðsdómur Reykjaness hefur dæmt karlmann í fimm mánaða skilorðsbundið fangelsi fyrir líkamsárás gagnvart fyrrverandi sambýliskonu sinni með því að hafa kýlt hana í andlitið með þeim afleiðingum hljóðhimnan rofnaði og vinstri vígtönn losnaði frá tannholdinu. Meira »

Þriggja bíla árekstur á Reykjanesbraut

17:33 Þriggja bíla árekstur varð á Reykjanesbraut við Stekkjarbakka rétt fyrir klukkan fimm í dag. Samkvæmt upplýsingum frá slökkviliðinu á höfuðborgarsvæðinu voru tveir fluttir á slysadeild en ekki er vitað um meiðsli þeirra að svo stöddu. Meira »

Syngur rokklög í blóðugu prestagervi 

16:46 Stefán Jakobsson eða Stebba Jak þarf varla að kynna fyrir þjóðinni en hann er einn aðalflytjenda á Halloween Horror Show í Háskólabíói 26. og 27.október og 3.nóvember í Hofi. Meira »

Tveir gefa kost á sér til formanns BSRB

16:05 Tveir hafa lýst yfir framboði til embættis formanns BSRB, en kosið verður til embættisins á þingi BSRB morgun. Elín Björg Jónsdóttir, fráfarandi formaður BSRB, tilkynnti í byrjun sumars að hún muni ekki gefa kost á sér áfram. Meira »
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Byggingarstjóri
Byggingarstjóri 659 5648 Allar byggingarframkvæmdir sem krefjast byggingale...