„Ég held að ég tóri í vetur“

Félagar í stórsveit djassleikara heiðruðu Árna Ísleifs á afmælistónleikum í ...
Félagar í stórsveit djassleikara heiðruðu Árna Ísleifs á afmælistónleikum í Gerðubergi í gær. Árni lék nokkur lög ásamt stórsveitinni. mbl.is/Árni Sæberg

Djasspíanistinn þjóðkunni Árni Ísleifsson er níræður í dag. Hann hélt upp á afmælið með tónleikum í Gerðubergi í gær þar sem hann tók nokkur lög með stórsveit djassleikara sem eru í Félagi íslenskra hljómsveitarmanna.

Árni er aldursforseti sveitarinnar og leikur á trompet sem hann fór ekki að æfa á fyrr en á sjötugsaldri. „Við komum saman einu sinni í viku yfir vetrartímann og æfum okkur,“ segir hann og getur ekki hugsað sér að hvíla sig á tónlistinni sem hefur verið líf hans og yndi í meira en 70 ár. Hann lætur sér ekki nægja að æfa með stórsveitinni því hann er píanóleikari Gerðubergskórsins sem æfir tvisvar í viku og heldur reglulega tónleika á hjúkrunarheimilum og dvalarheimilum aldraðra.

„Ég held að ég tóri alla vega í vetur,“ segir Árni léttur í lund þegar hann er spurður hvort hann sjái fyrir sér tónleika á 100 ára afmælinu eftir tíu ár. Hann fagnar góðri heilsu og segist vera mjög sáttur við það að geta haldið áfram að vera virkur í tónlistarlífinu.

Langur ferill

Tónlistarferill Árna er orðinn langur. Hann byrjaði árið 1945 sem píanisti hjá fyrstu alíslensku djasshljómsveitinni sem Björn R. Einarsson stjórnaði. Hún lék m.a. í Listamannaskálanum og Breiðfirðingabúð. Eftir að Árni hætti með Birni lék hann með fjölda hljómsveita og flestum stjórnaði hann sjálfur, samdi og útsetti. Urðu mörg laga hans afar vinsæl, „smellir“ eins og það heitir í dag. Með Árna léku margir fremstu hljóðfæraleikarar landsins og er margt af því varðveitt á hljómplötum. Nefna má að Árni var í hljómsveit Svavars Gests um skeið, var með hljómsveit á gamla Röðli á sjötta áratugnum, með hljómsveit í Þjóðleikhúskjallaranum, Silfurtunglinu, Tjarnarkaffi, Naustinu, á Hótel Borg og í gamla Tívolí í Vatnsmýrinni. „Fáir íslenskir tónlistarmenn eru með jafn fjölskrúðugan og vel heppnaðan feril að baki og Árni Ísleifsson,“ segir Vernharður Linnet, helsti djasssérfræðingur landsins, sem segir að Árni sé líka mjög góður lagahöfundur.

Með kennarapróf

Árni er Reykvíkingur, sonur Ísleifs Árnasonar, borgardómara og prófessors, og Soffíu Gísladóttur Johnsen. Hann ólst upp við Túngötu, Bergstaðastræti og í Norðurmýri, og var í sveit í Móbergi í Langadal. Hann brautskráðist frá Verslunarskólanum 1946, var í einkatímum í píanóleik hjá Matthildi Matthíasson, stundaði nám við Tónlistarskólann í Reykjavík og síðar Tónskóla þjóðkirkjunnar, var í einkatímum í píanóleik hjá Gísla Magnússyni og Rögnvaldi Sigurjónssyni. Seinna lauk hann kennaraprófi og tónmenntakennaraprófi frá Tónlistarskólanum í Reykjavík. Hann er kvæntur Kristínu Axelsdóttur.

Djasshátíðin efst í huga

Þegar horft er um öxl segist Árni einna ánægðastur með að hafa stofnað til Djasshátíðar Egilsstaða árið 1988, en henni stjórnaði hann í nær tvo áratugi. Þangað komu margir helstu djassleikarar, íslenskir sem og aðrir norrænir. Djasshátíðin var hin fyrsta sinnar tegundar hér á landi og er enn haldin á hverju ári við góðan orðstír. Hún hefur haft mikil áhrif á tónlistarlíf á Austurlandi.

Á Egilsstöðum kenndi Árni við Tónlistarskólann frá 1977 til 1999 og ekki bara á píanó heldur líka á gítar og blokkflautu og ennfremur tónfræði. Að auki sá hann um tónmenntakennslu við grunnskólann á staðnum og stjórnaði kórnum.

Innlent »

Félagsmenn GKG uggandi yfir tillögum

17:10 Stjórn Golfklúbbs Kópavogs og Garðabæjar, GKG, ætlar að halda almennan félagsfund í kvöld í ljósi þess að nýverið voru kynntar niðurstöður samkeppni um nýtt aðalskipulag Garðabæjar. Meira »

Rósa Björk varaforseti Evrópuráðsþingsins

16:28 Rósa Björk Brynjólfsdóttir, þingmaður Vinstri grænna, var kosin einn af varaforsetum Evrópuráðsþingsins, á fundi þingsins sem stendur nú yfir í Strassborg. Meginhlutverk varaforseta er að stýra þingfundum í fjarveru þingforseta en á þinginu sitja 318 þingmenn sem fulltrúar um 800 milljóna Evrópubúa. Meira »

Pólitískur hávaði og skrípaleikur

16:28 „Mér er ekki ennþá ljóst eftir hvaða upplýsingum og gögnum stjórnskipunar- og eftirlitsnefnd ætlar að kalla eða hvaða staðreyndir hún ætlar að fá fram sem ekki eru þegar komnar fram í Hæstaréttarmálinu,“ sagði Birgir Ármannsson, þingmaður Sjálfstæðisflokksins, í umræðum á Alþingi í dag. Meira »

„Hluti af því að vera lykilstarfsmaður“

16:23 Sambærileg lán höfðu verið veitt til félaga í eigu starfsmanna áður en Lárus Welding hóf störf hjá bankanum. Þetta er á meðal þess sem kom fram við vitnaleiðslur í markaðsmisnotkunarmáli Glitnis í Héraðsdómi Reykjavíkur eftir hádegi í dag. Meira »

Skoðun Jóns Þórs ekkert nýtt

16:18 „Það er málefnalegt að allur þingheimur hafi allt sem allur þingheimur þarf til að taka upplýsta ákvörðun um það hvort þetta þing treystir þessum ráðherra. Það að grafa undan því í einhverjum pólitískum tilgangi til þess að koma sér undan eigin ábyrgð er algjört hneyksli. Það er algjörlega óboðlegt.“ Meira »

Minnst matarsóun hjá yfir 60 ára

15:57 Um 75% þeirra sem tóku þátt í könnun Umhverfisstofnunar síðasta haust á viðhorfi Íslendinga til matarsóunar reyna að lágmarka matar- og drykkjarsóun. Hlutfallið er mjög svipað og mældist í sambærilegri könnun sem var framkvæmd haustið 2015. Meira »

Eiríkur stefnir ríkinu

15:26 Eiríkur Jónsson lagaprófessor hefur ákveðið að stefna íslenska ríkinu og krefjast bóta vegna ólögmætra athafna Sigríðar Á. Andersen dómsmálaráðherra við skipun í embætti dómara við Landsrétt. Meira »

Nefnd um stofnun miðhálendisþjóðgarðs

15:28 Ríkisstjórnin ákvað í dag, að tillögu Guðmundar Inga Guðbrandssonar, umhverfis- og auðlindaráðherra, að skipa þverpólítíska nefnd til að leiða vinnu um stofnun þjóðgarðs á miðhálendinu. Meira »

Hafði engin afskipti af nefndinni

15:09 „Hvaða erindi átti ráðherra við formann nefndarinnar?“ spurði Helga Vala Helgadóttir, þingmaður Samfylkingarinnar og formaður stjórnskipunar- og eftirlitsnefndar Alþingis, á Alþingi í dag í fyrirspurn til Sigríðar Andersen dómsmálaráðherra. Meira »

Mega fækka dreifingardögum í þéttbýli

14:33 Póst- og fjarskiptastofnun telur ekki vera skilyrði fyrir því að breyta þeirri ákvörðun Íslandspósts að fækka dreifingardögum í þéttbýli. Stofnunin birti úrskurðinn á vef sínum í dag, en Íslandspóstur tilkynnti í nóvember að fækka ætti dreifingardögum í þéttbýli frá og með 1. febrúar nk. Meira »

Tilgangur þingmannsins augljós

14:29 Jón Þór Ólafsson, þingmaður Pírata, og Sigríður Á. Andersen dómsmálaráðherra tókust harkalega á í óundirbúnum fyrirspurnartíma á Alþingi í dag. „Staðreyndin er sú því miður að dómsmálaráðherra hefur skapað vantraust á dómskerfið,“ sagði Jón Þór þar sem hann ræddi Landsréttarmálið. Meira »

Ráðin aðstoðardagskrárstjóri RÚV

14:28 Sjónvarpskonan Ragnhildur Steinunn Jónsdóttir hefur verið ráðin aðstoðardagskrárstjóri RÚV. Greint var frá þessu á fundi í morgun þar sem tilkynnt var um skipulagsbreytingar hjá stofnuninni. Meira »

Íbúar kjósi um framhaldið

13:35 Samtökin Andstæðingar stóriðju í Helguvík eru að undirbúa íbúafund í Reykjanesbæ vegna stöðu sem upp er komin í tengslum við kísilver United Silicon í Helguvík. Talsmaður samtakanna segir það kröfu margra íbúa að boðað verði til bindandi kosninga um framhaldið þar sem greidd verði atkvæði um framtíð iðnaðarsvæðisins í Helguvík. Meira »

Þrír nýir tóku sæti á Alþingi

12:38 Þrír varaþingmenn tóku sæti á Alþingi í fyrsta sinn í gær þegar þingið kom saman eftir jólaleyfi og sóru af þeim sökum drengskapareið að stjórnarskránni. Meira »

Hvatakerfi en ekki markaðsmisnotkun

11:45 Nokkrir fyrrum lykilstarfsmenn Glitnis, sem fengu há lán til hlutabréfakaupa í bankanum sjálfum árið 2008, lýstu því fyrir dómi að þeir hefðu álitið lánveitingarnar hluta af starfskjörum sínum. Meira »

Vilja leggja mannanafnanefnd niður

13:03 Hverjum einstaklingi verður heimilt að breyta nafni sínu verði frumvarp um mannanöfn að lögum. Flutningsmenn segja markmið þess að tryggja rétt einstaklinga til að bera það nafn eða þau nöfn sem þeir kjósa og tryggja að lög um mannanöfn takmarki ekki persónufrelsi fólks eða frelsi fólks. Meira »

Bodø siglir á milli lands og Eyja

12:23 Norska bílferjan Bodø er komin til hafnar í Vestmannaeyjum og mun hefja siglingar á milli lands og Eyja á morgun á meðan Herjólfur hverfur til viðgerða, en áætlað er að þær taki 14-16 daga. Meira »

Fannst vel á mælum Veðurstofunnar

11:42 Jarðskjálfti upp á 7,9 sem varð úti fyrir strönd Alaska nú í morgun var vel greinanlegur á mælum Veðurstofu Íslands. „Þegar þeir eru orðnir mjög stórir þá sjást þeir vel hjá okkur,“ segir Einar Hjörleifsson náttúruvársérfræðingur hjá Veðurstofu Íslands. Meira »

Börnin sem kerfið gleymdi

Lok á heita potta
Lok á heita potta og hitaveitu- skeljar Stærðir í cm: 200x200, 210x210, 220x220,...
INTENSIVE ICELANDIC, ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
START/BYRJA: 2018: 5/2, 5/3, 2/4, 30/4, 28/5, 25/6.(HOLIDAY: 21/7-19/8), 3/9, 1/...
BÍLAKERRUR BÍLKERRUR STURTUKERRUR
Vinsælu ANSSEMS og HULCO fjölnotakerrurnar, sjá fjölda mynda bæði á bland.is og ...
 
Eldri borgarar
Staður og stund
Aflagrandi 40 Opin vinnustofa kl. 9 og b...
L helgafell 6018011719 iv/v
Félagsstarf
? HELGAFELL 6018011019 VI Mynd af au...
Fundur
Fundir - mannfagnaðir
Fulltrúaráð sjálfstæðisfélaganna...
Aukatekjur vikulega
Önnur störf
Aukatekjur Morgunblaðið vantar fólk ...