Jón Gunnarsson yfirgaf Valhöll

Jón Gunnarsson yfirgaf þingflokksfund Sjálfstæðisflokksins áður en honum lauk.
Jón Gunnarsson yfirgaf þingflokksfund Sjálfstæðisflokksins áður en honum lauk. mbl.is/Hanna Andrésdóttir

Jón Gunnarsson, samgönguráðherra seinustu ríkisstjórnar, yfirgaf Valhöll áður en þingflokksfundi flokksins, þar sem ráðherraskipanin var tilkynnt, var lokið. 

Fjölmiðlafólk á svæðinu sá hann ganga út úr Valhöll um bakdyr, en fundur þingflokksins stendur enn yfir á efri hæð hússins.

Telja má líklegt að þetta bendi til þess að Jón verði ekki ráðherra í nýrri ríkisstjórn Sjálfstæðisflokks, VG og Framsóknarflokks, en búist er við að fundi þingflokksins ljúki innan tíðar og þá verður ráðherraskipunin tilkynnt formlega.

mbl.is

Bloggað um fréttina