Íslenska ríkið verður leiðandi fjárfestir í að minnsta kosti einni kerfislega mikilvægri fjármálastofnun, en mun draga úr eignarhaldi sínu á fjármálafyrirtækjum miðað við það sem er í dag. Þetta er meðal þess sem kemur fram í ríkisstjórnarsáttmála Sjálfstæðisflokksins, Vinstri grænna og Framsóknarflokksins, sem var undirritaður núna fyrir hádegi í dag.

Kemur þar fram að eignarhald ríkisins á fjármálafyrirtækjum sé í dag það umfangsmesta í Evrópu og að leitað verði leiða til að draga úr því.

Einnig verður gerð hvítbók um framtíðarsýn fyrir fjármálakerfið sem leggja á fyrir Alþingi til umfjöllunar áður en stefnumarkandi ákvarðanir verði teknar um framtíð fjármálakerfisins.

Þá er komið inn á að eignarhald á stærri fjármálafyrirtækjum þurfi að vera gagnsætt. „Þótt mikilvægar umbætur hafi verið gerðar á lagaumhverfi fjármálafyrirtækja er brýnt að gera betur. Eignarhald á kerfislega mikilvægum fjármálastofnunum verður að vera gagnsætt,“ segir í sáttmálanum.

Íslenska ríkið á í dag hlut í öllum þremur stóru viðskiptabönkunum. Ríkið á Íslandsbanka að fullu, 97,9% í Landsbankanum og 13% í Arion banka.

Tengdar fréttir

Alþingiskosningar 2017

Vildu stýra fjórum nefndum

• Mikill stuðningur við ríkisstjórnina
• Þing gæti komið saman um miðjan mánuð
• Pólitískur ráðherra, ekki fagráðherra
• Kosið of snemma um stjórnarslit

» Fleiri tengdar fréttir

Ný ríkisstjórn 2017

Konur meirihluti aðstoðarmanna

• Sigurður Ingi með tvo aðstoðarmenn
• Ýmis mál tekin fyrir á þingfundi í dag
• Vísar kæru á Loga frá
• Enn vanti nokkuð upp á

» Fleiri tengdar fréttir

Sala á hlut ríkisins í Íslandsbanka

Leggja fram vantrauststillögu í næstu viku

• „Við þurfum að selja banka“
• Óttast ráðstöfun andvirðis sölunnar
• Sala á Íslandsbanka geti skilað 100 milljörðum
• Sumargjöfin „blaut tuska“ í andlit almennings

» Fleiri tengdar fréttir

• Blogga um frétt