„Núna reynir á þolinmæðina“
Félag framhaldsskólakennara funda með ríkissáttasemjara.
mbl.is/Eggert
Setja bókamerki
„Við höfum verið að funda en það hefur ekki komið neitt út úr því,“ segir Guðríður Arnardóttir, formaður Félags framhaldsskólakennara, spurð um kjaraviðræður. Í lok nóvember vísaði félagið kjaraviðræðunum til ríkissáttasemjara. Síðasti fundur var 3. janúar.
Í síðasta kjarasamningi var meðal annars samþykkt nýtt vinnumat kennara. „Við erum með reynslu af því og meðal annars eru ýmis atriði tengd því sem við viljum fá lagfærð,“ segir Guðríður. Á síðustu fundum hefur meðal annars verið farið yfir þetta auk annarra tæknilegra atriða sem og kaup og kjör.
Næsti fundur verður þriðjudaginn 16. janúar. „Núna reynir á þolinmæðina,“ segir Guðríður spurð hvað samninganefnd framhaldsskólakennara gerir í millitíðinni.
Guðríður Arnardóttir formaður félags framhaldsskólakennara.
Er 83% skattur á hagnað hæfilegur?
Quang Le: „Ég gerði ekkert rangt“
„Staðan er grafalvarleg“
Sýklalyfjaónæmi vaxandi vandamál
Erlendir fangar sendir til útlanda?
Tengsl við undirheima ekki hluti af rannsókninni