Vegagerðin lokaði á sjöunda tímanum á umferð um Hellisheiði, Sandskeið, Þrengslin, Mosfellsheiði og Nesjavallaleið. Þá var veginum um Lyngdalsheiði lokað klukkan 7.
Hér er uppfærður listi Vegagerðarinnar um mögulegar lokanir vega í dag:
Suðurlandsvegur um Hellisheiði og Þrengsli milli kl. 06:00 og 12:00 – 13:00
Vesturlandsvegur um Kjalarnes milli kl. 08:00 og 11:00
Vesturlandsvegur um Hafnarfjall milli kl. 07:00 og 11:00
Mosfellsheiði og Lyngdalsheiði milli kl. 06:00 og 12:00 – 13:00
Reykjanesbraut milli kl. 07:00 og 11:00
Grindavíkurvegur milli kl. 07:00 og 11:00
Suðurstrandarvegur milli kl. 07:00 og 11:00
Suðurlandsvegur að Vík í Mýrdal milli kl. 07:00 og 12:00
Vegir á Snæfellsnesi og Brattabrekka milli kl. 08:00 og 13:00
Holtavörðuheiði milli kl. 10:00 og 15:00
Vegir á Norðurlandi vestra milli kl. 09:00 og 15:00
Öxnadalsheiði milli kl. 09:00 og 16:00
Mývatns- og Möðrudalsöræfi milli kl. 10:00 og 17:00
Fjarðarheiði og Fagridalur milli kl. 11:00 og 18:00
Aðrir vegir geta einnig lokast á meðan veður gengur yfir.
Veðurstofan sendi í gær frá sér appelsínugula viðvörun fyrir höfuðborgarsvæðið, Suðurland, Faxaflóa, Breiðafjörð og Norðurland vestra og sendi Vegagerðin í gær frá sér tilkynningu um að búast mætti við lokun nokkurra vega fyrri hluta dags.
Einnig er búist við því að Reykjanesbrautinni kunni að verða lokað, en útlit er fyrir að hviður geti orðið allt að 40 m/s á Reykjanesbraut um klukkan 8 og fram yfir klukkan 10 á Kjalarnesi og undir Hafnarfjalli.
Gul viðvörun er í gildi alls staðar annars staðar á landinu og er spáð allt að 23-28 m/s og snjókomu og slæmu skyggni í efri byggðum og austur frá Reykjavík.