Samstarf við Europol vegna innbrots
Setja bókamerki
Lögreglan á Suðurnesjum hefur verið í samstarfi við Evrópulögregluna, Europol, vegna rannsóknar á innbrotum í gagnaver í Reykjanesbæ og Borgarbyggð.
Jóhannes Jensson, aðstoðaryfirlögregluþjónn hjá lögreglunni á Suðurnesjum, segir að sú aðstoð sem lögreglan hefur fengið erlendis frá, mestmegnis frá Europol, hafi enn ekki skilað neinu markverðu.
Hann segir lögregluna vera að vinna á fullu í málinu en ekkert nýtt sé að frétta sem stendur.
Þýfið hefur enn ekki fundist og þær ábendingar sem lögreglunni hefur borist frá almenningi eru teljandi á fingrum annarrar handar, að sögn Jóhannesar. Ábendingarnar hafa engu skilað.
Mennirnir tveir sem eru í haldi vegna málsins voru úrskurðaðir í gæsluvarðhald til næstkomandi mánudags.
Þrjú innbrot voru framin á tímabilinu frá 5. desember til 16. janúar. Þeim hefur verið lýst sem „þaulskipulögðum“. Alls hafa níu verið handteknir en fjórir voru upphaflega úrskurðaðir í gæsluvarðhald.
Einn hinna handteknu var öryggisvörður hjá Öryggismiðstöðinni. Fyrirtækið annast öryggismál fyrir Advania en einn staðurinn sem brotist var inn á var á framkvæmdasvæði við gagnaver fyrirtækisins á Fitjum. Einnig liggur fyrir að brotist var inn í gagnaver Borealis Data Center í Borgarbyggð.
Of margir nemendur og ákall um hæft starfsfólk
Tveir í haldi grunaðir um mansal og smygl á fólki
Lögreglan leitar eftir myndefni í tengslum við andlátið
Vangaveltur gengu lengra en innistæða var fyrir
740 milljón króna sígarettusmygl
Komu saman á kyrrðar- og bænastund
Óánægja er með áform um efnistöku
Búið að fella björninn