Tekist á um vélabrögð í Hæstarétti

Úr dómsal í morgun.
Úr dómsal í morgun. mbl.is/Alexander

Tekist var á um merkingu orðanna „véla“ og „fasteignabrask“ í Hæstarétti í morgun þegar tekið var fyrir mál Bergvins Oddssonar, fyrrverandi formanns Blindrafélagsins, gegn fyrrverandi stjórnarmönnum félagsins, þeim Halldóri Sævari Guðbergssyni, Baldri Snæ Sigurðssyni, Rósu Maríu Hjörvar, Lilju Sveinsdóttur, Guðmundi Rafni Bjarnasyni og Rósu Ragnarsdóttur.

Bergvin var formaður Blindrafélagsins frá árinu 2014 og þar til stjórn félagsins samþykkti vantraust á hann í september 2015. Í vantraustsyfirlýsingunni sagði að Bergvin hefði „vélað ungan félagsmann [Blindrafélagsins] til að leggja allt sitt sparifé í fasteignabrask honum tengt“.

Bergvin stefndi stjórnarmönnum fyrir ærumeiðandi ummæli og krafðist þess að ummælin yrðu dæmd dauð og ómerk og dæmdi héraðsdómur Bergvin í vil í júlí í fyrra. Þá var stjórnarmönnunum fyrrverandi gert að greiða Bergvin 900 þúsund krónur í miskabætur með vöxtum og 750 þúsund krónur í málskostnað.

Sagði Bergvin hafa haft af sér fé

Forsaga málsins er sú að Bergvin átti ásamt föður sínum fasteignafélag. Ungur maður, sem nýverið hafði misst nær alla sjón og sat sem varamaður í stjórn Blindrafélagsins leitaði ráða hjá Bergvin um fjárfestingnar, en maðurinn, sem var 19 ára á þeim tíma, átti sparifé sem hann vildi ráðstafa.

Bergvin Oddsson.
Bergvin Oddsson. Kristinn Ingvarsson

Í málflutningi lögmanns stjórnarinnar kemur fram að Bergvin hafi ráðlagt drengnum að leggja féð í eigið fasteignafélag, sem hann gerði. Hann leitaði síðar til Bergvins og hafði áhyggjur af rekstri fasteignafélagsins sem hann taldi ekki vera í samræmi við það sem hann hafði ætlað.

Taldi hann að sér hefði einungis borið að leggja fram fé við stofnun fasteignafélagsins en að ekki yrði um frekari greiðslur að ræða af hans hálfu enda hefði hann þegar ráðstafað öllu sparifé sínu.

Þegar Bergvin hafi síðan krafið hann um tvær greiðslur í júlí og ágúst 2015 og boðað frekari fjárútlát hafi hann orðið áhyggjufullur út af fjárframlagi sínu og viljað losna úr félaginu, en Bergvin hafi ekki veitt honum fullnægjandi svör. Leitaði drengurinn þá til stjórnar Blindrafélagsins með fyrrgreindum afleiðingum

Drengurinn var látinn leggja upphæðina inn á persónulegan reikning Bergvins en ekki félagsins og sagði lögmaður stjórnarinnar að engar trúverðugar skýringar hefðu fengist á þeim gjörningi.

Markmiðið að hrekja Bergvin úr starfi

Í fundargerð stjórnar Blindrafélagsins frá september 2015, þar sem vantrauststillagan á Bergvin var borin upp og samþykkt, er sagan rakin en Bergvin sat einnig þann fund og greindi frá sinni hlið á málinu. Hann hafði þó eðli málsins samkvæmt ekki gögn til að leggja fram á staðnum, en fór heldur ekki fram á frest til að leggja fram slík gögn og sagðist ekki telja að þetta kæmi stjórn Blindrafélagsins við. Samdægurs var vantraust á Bergvin sem formann samþykkt.

Í málflutningi lögmanns Bergvins kom fram að Bergvin hefði verið kjörinn formaður árið 2014 og haft þar betur gegn Rósu Maríu Hjörvar með einu atkvæði, en hún átti einmitt sæti í stjórn félagsins. Ljóst væri að öfl innan Blindrafélagsins hefðu viljað losna við Bergvin og hafi yfirlýsing stjórnarinnar verið sett fram með það að markmiði að kasta rýrð á æru stefnda og hrekja hann frá starfi.

Þá sagði lögmaður Bergvins að ekki mætti skilja sögnina véla öðruvísi en svo að hún feli í sér lögbrot og því hafi stjórnin ásakað Bergvin um lögbrot. Ekki væri um gildisdóm að ræða. Máli sínu til stuðnings vísaði lögmaðurinn í íslenska orðabók þar sem sögnin er sögð merkja svíkja eða pretta.

Þess má geta að í Jónsbók er ákvæði um kvennagiftingar og segir þar „vélakaup skal at vettugi hafa“.

Þessu andmælti Daníel Isebarn Ágústsson, lögmaður stjórnar. Hann sagði málsatvik óumdeild. Bergvin hefði reynt að fá drenginn til að leggja fé í fasteignafélag sitt, en orðalagið „véla til fasteignabrasks“ væri einfaldlega gildishlaðin lýsing, sett fram til að lýsa vanþóknun á gjörningnum.

Máli sínu til stuðnings vísaði lögmaðurinn í aðra meiðyrðadóma sem hafa fallið í Hæstarétti svo sem árið 2001 þegar dómstóllinn sýknaði mann sem hafði sagt annan mann stunda „skattasniðgöngu“ enda hefði það orð enga lagalega merkingu. Sama gilti um bæði orðin véla og fasteignabrask.

Bergvin bauð sig aftur fram til formennsku í mars árið 2016 og fékk 25% atkvæða en Sigþór U. Hallfreðsson var kjörinn formaður með 60% atkvæða og hefur gegnt embættinu síðan.

mbl.is

Innlent »

Súrsætur áfangasigur hjá Sigmari

16:50 „Í sjálfu sér er þetta ekkert sem kemur á óvart. Þetta er súrsæt tilfinning,“ segir Sigmar Vilhjálmsson, en Héraðsdómur Reykjavíkur varð að kröfu hans í dag og dæmdi ákvörðun Stemmu hf. um sölu tveggja lóða á Hvolsvelli til Fox ehf. ógilda. Meira »

Lýst eftir Tómasi Má

16:48 Lögreglan á höfuðborgarsvæðinu lýsir eftir Tómasi Má Sævarssyni, 24 ára. Síðast er vitað um ferðir hans í Reykjavík um síðustu helgi. Meira »

Allir landsmenn njóti afrakstursins

16:41 Tæknileg umbreyting íslensks samfélags er hafin og er nú sameiginleg stefna fyrir fjarskipti, póstmál, netöryggismál og málefni Þjóðskrár Íslands í undirbúningsferli í samgöngu- og sveitarstjórnarráðuneytinu. Þetta kom fram í ávarpi Sigurðar Inga Jóhannssonar, samgöngu- og sveitarstjórnarráðherra, á stefnumótunarfundi ráðuneytisins í dag. Meira »

Stapa ber að greiða Kára uppsagnarfrest

16:04 Hæstiréttur hefur staðfest dóm héraðsdóms þess efnis að Stapa lífeyrissjóði beri að greiða Kára Arnóri Kárasyni laun á uppsagnarfresti. Kári var framkvæmdastjóri lífeyrissjóðsins en sagði starfi sínu lausu í kjölfar þess að nafn hans kom upp í Panamaskjölunum. Meira »

Hæstiréttur snýr við meiðyrðadómi

15:52 Hæstiréttur hefur sýknað fyrrverandi stjórnarmenn Blindrafélagsins, þau Hall­dór Sæv­ar Guðbergs­son, Baldur Snæ Sig­urðsson, Rósu Maríu Hjörv­ar, Lilju Sveins­dótt­ur, Guðmund Rafn Bjarna­son og Rósu Ragn­ars­dótt­ur af meiðyrðakröfu Bergvins Oddssonar, fyrrverandi formanns Blindrafélagsins. Meira »

Árásin tilefnislaus og hrottafengin

15:19 Árás Dags Hoe Sigurjónssonar á þá Kelvis Sula og Elio Hasani aðfaranótt 3. desember var tilefnislaus og hrottafengin. Þetta kemur fram í dómsúrskurði Héraðsdóms Reykjavíkur og segir að ákærði eigi sér engar málsbætur. Meira »

Sigmar vinnur mál gegn Skúla í Subway

15:05 Ákvörðun hluthafafundar Stemmu hf. þann 9. maí 2016 um að selja lóðarréttindi að Austurvegi 12 og 14, Holsvelli, til Fox ehf. var ógilt í Héraðsdómi Reykjavíkur í dag. Þar með var farið að kröfu Sjarms og Garms ehf. og Sigmars Vilhjálmssonar. Meira »

Atli áfram sviptur málflutningsréttindum

14:39 Landsréttur hafnaði í dag kröfu Atla Helgasonar um að fella niður sviptingu á málflutningsréttindum hans. Dómurinn sneri með því við úrskurði héraðsdóms sem tók kröfur hans til greina. Atli var dæmdur í 16 ára fangelsi árið 2001 fyrir að hafa orðið manni að bana. Meira »

Tónleikagestir mæti með regnhlífarnar

13:30 Tónlistarhátíðin Secret Solstice verður haldin í fimmta sinn nú um helgina. Búist er við að um 15 þúsund tónleikagestir sæki hátíðina og þar af fjölmargir erlendir gestir. Hátíðin hefst með trompi í kvöld þar sem m.a. velska rokktónlistargoðsögnin Bonnie Tyler stígur á svið. Meira »

Gott veður fyrir leik Íslands á morgun

13:29 Búist er víð fínu veðri víðast hvar á landinu um klukkan þrjú á morgun þegar strákarnir í íslenska landsliðinu hefja leik á móti Nígeríu á HM í Rússlandi. Leikurinn verður sýndur á skjáum undir berum himni á ýmsum stöðum á landinu, bæði á höfuðborgarsvæðinu og á landsbyggðinni. Meira »

Ljósmæðranemar ætla ekki að ráða sig

12:58 Útskriftarnemar í ljósmóðurfræði segjast standa heilshugar við yfirlýsingu sína sem birt var í apríl, þar sem lýst var yfir fullum stuðningi við ljósmæður í yfirstandandi kjaraviðræðum, núna þegar uppsagnir ljóðsmæðra fara að taka gildi. Ekki er það í kortunum fyrir ljósmæðranema að ráða sig í fastar stöður sem ljósmæður fyrr en samningar nást. Meira »

Sýnt beint frá Samgönguþingi

12:50 Samgönguþing hefst klukkan eitt í dag og stendur til klukkan fimm. Sigurður Ingi Jóhannsson, samgöngu- og sveitarstjórnarráðherra, setur þingið sem haldið er á Hótel Sögu. Þingstjóri verður Ragnhildur Hjaltadóttir, ráðuneytisstjóri. Meira »

Drífa útilokar ekki framboð

11:46 Drífa Snædal, framkvæmdastjóri Starfsgreinasambandsins, útilokar ekki að bjóða sig fram til formennsku í Alþýðusambandinu. Í samtali við mbl.is segist hún ekki hafa tekið neina ákvörðun um það, en hún muni hugsa málið. Meira »

Dómurinn hvalreki fyrir starfsmenn

11:45 Dómur Hæstaréttar í máli Jökuls Þórs Jónssonar, starfsmanns Hvals hf., gegn Hvali hf. er ekki aðeins fordæmisgefandi fyrir starfsmenn Hvals heldur allan íslenskan vinnumarkað. Þetta segir Vilhjálmur Birgisson, formaður Verkalýsðfélags Akraness, sem annaðist málarekstur. Meira »

Jón Steinar sýknaður

11:45 Jón Steinar Gunnlaugsson, fyrrverandi hæstaréttardómari, var í Héraðsdómi Reykjaness í dag sýknaður af kröfu Benedikts Bogasonar, hæstaréttardómara, í meiðyrðamáli sem sá síðarnefndi höfðaði í fyrra. Meira »

Ekkert erindi vegna dýrareglugerðarinnar

11:12 Engin veitingastaður eða kaffihús í Reykjavík hefur tilkynnt heilbrigðiseftirliti Reykjavíkur að þeir hyggist heimila hunda eða ketti í sínum húsakynnum frá því að Matvælastofnun gaf út leiðbeiningar með reglugerð sem heimilar dýr á veitinga- og kaffihúsum. Meira »

Ræða viðbragðsáætlun vegna verkfalls

10:33 Forstjóri Landspítalans og framkvæmdarstjóri kvenna- og barnasviðs, funda nú með Heilbrigðisráðuneytinu vegna fyrirhugaðs verkfalls ljósmæðra. Verið er að ræða og kynna viðbragðsáætlun spítalans þegar uppsagnir taka gildi 1. júlí. Meira »

Dagur í 17 ára fangelsi fyrir manndráp

09:27 Dagur Hoe Sigurjónsson hefur verið fundinn sekur um manndráp og manndrápstilraun og hefur verið dæmdur til að sæta 17 ára langri fangelsisvist. Meira »

Fólk í vandræðum í Rússlandi

08:28 Embætti ríkislögreglustjóra hefur heyrt af mörgum sem hafa lent í vandræðum eftir að hafa týnt skráningarkortinu (migration card) sem fólk fær við komuna til Rússlands. Meira »
Vel með farinn Golfbíll til sölu á kr. 580.000
Bíllinn er með nýjum rafgeimum og mjög vel með farinn að öllu leiti. upplýsing...
Bátavélar 58 hp með gír
Eigum á lager 37 og 58 hp bátavélar frá TD Með gír og mælaborði og motorpúðum...
Einstakt tilboð - 14,44 fm Garðhús - kr. 348.500,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...