Metáhorf á leik Íslands og Argentínu
Íslenskir stuðningsmenn á Spartak-vellinum þar sem Ísland og Argentína mættust á laugardag.
mbl.is/Eggert Jóhannesson
Setja bókamerki
Áhorf landsmanna á leik Íslands og Argentínu er það mesta sem mælst hefur á íþróttaviðburð til þessa, en meðaláhorfið var 60%. Þetta kemur fram í bráðabirgðaáhorfstölum frá Gallup.
Mest mældist áhorfið kl. 14:54, sem var síðasta mínútan í uppbótartíma leiksins, en hlutdeild RÚV á meðan á leik stóð var 99,6%, sem sýnir að nánast allir sem voru með kveikt á sjónvarpinu á þessum tíma voru að horfa á leikinn.
Hér má sjá áhorfsdreifingu landsmanna á laugardag. Svarta línan táknar RÚV og greinilegt er af grafinu hvenær leikur Íslands og Argentínu stóð yfir.
Graf/RÚV
Eldra metið var 58,8% áhorf á leik Íslands og Englands á EM í fótbolta 2016 en sá leikur var sýndur í beinni á RÚV og í Sjónvarpi Símans.
Móðirin sögð hafa játað að verða syni sínum að bana
„Eyddi nánast allri nóttina í þetta“
Fólk í kosningateymi Höllu fékk milljónir frá OS
Stofna framkvæmdanefnd um málefni Grindavíkur
90% samþykktu verkfallsaðgerðir
Um 5.000 milljarðar í enduruppbyggingu
Olíufélögin fái milljarða í afslátt frá borginni
