„Við óttuðumst miklu, miklu verra“

Farþegum um Keflavíkurflugvöll mun fækka á milli ára í fyrsta ...
Farþegum um Keflavíkurflugvöll mun fækka á milli ára í fyrsta sinn frá árinu 2009, samkvæmt spá Isavia. mbl.is/Eggert

„Það kom okkur svolítið á óvart hérna innandyra að þetta var mun betra en við óttuðumst. Við óttuðumst miklu, miklu verra,“ segir Björn Óli Hauksson forstjóri Isavia um farþegaspá Keflavíkurflugvallar 2019, sem kynnt var á fjölmennum fundi á Hilton Nordica í morgun.

Í spánni er gert ráð fyrir því að heildarfjöldi farþega sem fari um Keflavíkurflugvöll dragist saman um 8,7% á milli ára, fjöldinn verði 8,95 milljónir á þessu ári samanborið við 9,8 milljónir árið 2018.

Skiptifarþegum fækkar mest, eða um 18,7% samkvæmt spánni, en komum og brottförum farþega sem eru að fljúga til og frá Íslandi fækkar einungis um rúm 2%.

Fjölgun farþega yfir sumarið

Það er þó ekki samdráttur í öllum mánuðum, heldur er gert ráð fyrir að komu- og brottfararfarþegum fjölgi yfir sumarmánuðina frá því sem var í fyrra.

Í júní verða þeir um 4% fleiri en á sama tíma í fyrra, þeim fjölgar um 5,7% í júlí og að lokum um 7,2% í ágúst, samkvæmt spánni, sem gerir einnig ráð fyrir að komu- og brottfararfarþegum fjölgi í nóvember um 1,7% og í desember um 4,6%.

„Eins og við fáum tölur um frá Icelandair og WOW air, sem eru að nota okkur sem skiptiflugvöll, þá er mesta minnkunin þar, en aftur á móti mun „til og frá“ farþegum ekki fækka jafn mikið,“ segir Hlynur Sigurðsson, framkvæmdastjóri viðskiptasviðs Keflavíkurflugvallar, sem kynnti farþegaspána.

Mestur er samdrátturinn í fjölda skiptifarþega, en fjöldi Íslendinga og ...
Mestur er samdrátturinn í fjölda skiptifarþega, en fjöldi Íslendinga og erlendra ferðamanna sem fljúga til og frá Keflavíkurflugvelli dregst einungis lítillega saman, samkvæmt spánni. Tafla/Isavia

Hlynur bætir við í samtali við blaðamann að það sé „mjög gott“ fyrir ferðamennsku á Íslandi að ekki sé gert ráð fyrir meiri fækkun í spánni, en samkvæmt útreikningum Isavia, sem unnir eru í samstarfi við flugfélögin sem fljúga til og frá Keflavíkurflugvelli, fækkar erlendum ferðamönnum sem hingað koma einungis um 55 þúsund á milli ára.

Björn Óli Hauksson, forstjóri Isavia.
Björn Óli Hauksson, forstjóri Isavia. mbl.is/Kristinn Magnússon

Björn Óli segir að þær flugleiðir sem hafa verið aflagðar undanfarið hafi verið flugleiðir þar sem skiptifarþegar á leið yfir Atlantshafið voru stór hluti farþega og að það sjáist í spánni, en eins og greint hefur verið frá hefur áfangastöðum WOW air í Norður-Ameríku verið fækkað úr tólf í sex.

„Það er betri hagnaður af því að fljúga farþega til og frá Íslandi heldur en skiptifarþega. Það er virkilega traustur markaður og menn verða að hafa þann markað. Flugfélögin virðast hafa tekið ákvörðun um að styrkja þann markað, passa sig á að honum verði ekki umbreytt, en svo má ekki gleyma að þó að við höfum séð niðursveiflu hjá WOW air þá erum við að sjá uppsveiflu hjá Icelandair,“ segir Björn Óli.

Hafa trú á endurskipulagningu WOW air

Vegna óvissu á markaði, sérstaklega hvað varðar WOW air, hefur Isavia ekki treyst sér til að kynna farþegaspá ársins fyrr en í dag, en undanfarin ár hafa fundir sem þessir verið haldnir í lok nóvember. Hlynur segir að enn sé óvissa í flugheiminum, en staðan hafi þó skýrst undanfarið.

Hlynur Sigurðsson, framkvæmdastjóri viðskiptasviðs Keflavíkurflugvallar.
Hlynur Sigurðsson, framkvæmdastjóri viðskiptasviðs Keflavíkurflugvallar. Ljósmynd/Isavia

„Við höfum trú á að WOW air nái að endurskipuleggja sig og endurskilgreina sig sem flugfélag og að Icelandair, sem hefur líka verið að fara í gegnum miklar breytingar, nái tökum á því sem þeir ætla að gera til framtíðar,“ segir Hlynur.

Aftur vöxtur frá og með árinu 2020

Stöðug aukning hefur verið á fjölda farþega um Keflavíkurflugvöll undanfarinn áratug og vöxturinn verið afar hraður. Nú er séð fram á fækkun í fyrsta sinn síðan 2009, en Hlynur telur að ekki sé útlit fyrir að þessi fækkun muni halda áfram næstu ár.

„Við hugsum að þetta muni snúast við og að frá og með 2020 munum við sjá aftur aukningu,“ segir Hlynur en bætir við að sú aukning verði aldrei í þeim mæli sem verið hefur undanfarin 5-6 ár.

Stöðug aukning hefur verið á fjölda farþega um Keflavíkurflugvöll undanfarinn ...
Stöðug aukning hefur verið á fjölda farþega um Keflavíkurflugvöll undanfarinn áratug og vöxturinn verið afar hraður. mbl.is/Eggert

„Það er ekkert eðlilegt að vera með 20-30% aukningu á hverju einasta ári á flugvelli, það er ekki hollt fyrir okkur og ekki heldur fyrir íslenska ferðaiðnaðinn,“ segir Hlynur, en Isavia horfir til þess að árleg aukning í farþegafjölda gæti orðið á bilinu 3-6% til framtíðar litið, sem myndi þýða að við myndum sjá heildarfarþegafjöldann aukast um hálfa milljón farþega að meðaltali næstu tíu ár.

Eins og sjá má á grafinu hér að neðan er fjöldi farþega enn langt, langt, fyrir ofan þær áætlanir sem voru upphaflega gerðar í tengslum við þróunaráætlun Keflavíkurflugvallar, „masterplanið“ svokallaða.

Vöxtur undanfarinna ára hefur verið langt umfram það sem gert ...
Vöxtur undanfarinna ára hefur verið langt umfram það sem gert var ráð fyrir. Graf/Isavia

Hlynur vék að uppbyggingarþörf á Keflavíkurflugvelli í erindi sínu, en í máli hans kom fram að til þess að betur væri hægt að þjónusta farþegafjöldann sem nú þegar fari í gegnum Keflavíkurflugvöll, þurfi að bæta um 10 þúsund fermetrum við flugstöðina og er fyrirhuguðum framkvæmdum á Keflavíkurflugvelli ætlað að mæta því.

mbl.is

Innlent »

Gengið til mótmæla gegn hungri og örbirgð

14:59 Hópur fólks kom saman á Austurvelli við Alþingi í dag til þess að mótmæla því, að fólk fái ekki laun og lífeyri sem dugar því til að framfleyta sér. Á annað þúsund manna boðuðu komu sína á Facebook en á vettvangi voru einhverju færri. Meira »

Allt að 1.000 leggi niður störf 8. mars

14:27 Það geta verið allt að 1.000 félagsmenn Eflingar sem hætta að vinna í boðuðum verkfallsaðgerðum á hótelum í Reykjavík og nágrenni 8. mars. Hátt í 8.000 félagsmenn kjósa um þetta í vikunni. Meira »

Fjölskyldusamvera í skólavetrarfríi

13:40 Vetrarfríin eru hætt að koma foreldrum jafnmikið á óvart og þau gerðu fyrstu árin.  Meira »

Kiddi klaufi langvinsælastur

12:12 Dagbækur Kidda klaufa verma níu efstu sætin yfir vinsælustu bókasafnsbækurnar fyrir árið 2018, en listar yfir vinsælustu eða mest lánuðu titla í aðildarbókasöfnum Gegnis hafa nú verið gerðir aðgengilegir. Meira »

Í vinsælasta spjallþætti á Írlandi

12:00 Bræður Jóns Þrastar Jónssonar, sem hvarf í Dublin á dögunum, fóru í viðtal í The Late Late Show í írska ríkissjónvarpinu í gær. Þátturinn er annar langlífasti spjallþáttur í heimi. Meira »

„Sem mest tjón á sem skemmstum tíma“

11:25 Framkvæmdastjóri Samtaka ferðaþjónustunnar er harðorður í garð forystu stéttarfélaganna vegna boðaðra verkfalla. Hann segir sviplegar afleiðingar geta orðið af verkföllum í ferðaþjónustu. Meira »

Grunaðir um skipulagðan þjófnað

10:35 Lögreglumenn í flugstöðvardeild lögreglunnar á Suðurnesjum höfðu afskipti af fjórum erlendum karlmönnum í Leifsstöð í vikunni vegna gruns um að þeir væru að reyna að komast með þýfi úr landi. Meira »

Umfangsmesta aðgerðin hingað til

10:00 Í dag hefst umfangsmesta einstaka aðgerðin í leitinni að Jóni Þresti Jónssyni, Íslendingi sem hvarf í Dublin fyrir tveimur vikum síðan. Fleiri tugir írskra sjálfboðaliða taka þátt í þaulskipulagðri aðgerð. Meira »

HÍ brautskráir 444 í dag

09:50 Háskóli Íslands brautskráir 444 kandídata, 313 konur og 131 karl, úr grunn- og framhaldsnámi við hátíðlega athöfn klukkan 13 í dag. Meira »

MDE kveður upp dóm í máli Landsréttar

09:05 Mannréttindadómstóll Evrópu kveður upp dóm vegna skipan dómara í Landsrétt 12. mars næstkomandi, en þá mun koma í ljós hvort skipanin standist lög og ákvæði mannréttindasáttmála Evrópu. Meira »

Atvinnumaður í Reykjavík

09:00 Helena Sverrisdóttir, fremsta körfuboltakona landsins um langt árabil, hefur ekki fundið fyrir því að minni kröfur séu gerðar til kvenna en karla í körfubolta. „Mér finnst við hafa sömu tækifærin og strákarnir.“ Meira »

Vatnsleki á veitingahúsum í Austurstræti

08:26 Slökkvilið höfuðborgarsvæðisins fór í tvö útköll vegna vatnsleka á sjötta tímanum í morgun. Um var að ræða leka vegna mikillar úrkomu og flæddi inn í kjallara tveggja veitingahúsa. Meira »

Njóta skattleysis í Portúgal

08:18 Vegna ákvæða í tvísköttunarsamningi milli Íslands og Portúgals geta íslenskir eftirlaunaþegar flutt lögheimili sitt til Portúgals og fengið greidd eftirlaun frá Íslandi án þess að greiða af þeim skatta, hvorki á Íslandi né í Portúgal. Meira »

Segja hæstu launin hækka mest

07:57 Lægstu byrjunarlaun myndu hækka um 59% á næstu þremur árum og hæsta aldursþrep í hæsta virka launaflokki um 82% ef kröfur Eflingar í kjaraviðræðunum yrðu samþykktar óbreyttar. Meira »

Kjarabaráttan snýst ekki um staðreyndir

07:37 Ásgeir Jónsson, forseti hagfræðideildar Háskóla Íslands og fv. hagfræðingur verkalýðsfélagsins Dagsbrúnar, segir grundvallarbreytingu hafa orðið á kjarabaráttunni. Meira »

Ekkert lát á umhleypingum í veðri

07:33 Lægð fer norður yfir land með rigningu og mildu veðri í dag, en vindur snýst síðan í suðvestan 15 til 25 metra á sekúndu og hvassast verður á Norður- og Austurlandi. Meira »

Aðalfundi Íslandspósts frestað

07:25 Aðalfundi Íslandspósts, sem fara átti fram í gær, var frestað um ótilgreindan tíma að beiðni handhafa hlutabréfa félagsins: fjármálaráðherra. Þar átti meðal annars að birta ársskýrslu, þar sem fram koma breytingar á kaupi og kjörum stjórnenda félagsins. Meira »

Eftirlitið kostað milljarða króna

05:30 Ekki reyndist unnt að svara með fullnægjandi hætti fyrirspurn Birgis Þórarinssonar alþingismanns sem laut að rekstrarkostnaði gjaldeyriseftirlits Seðlabanka Íslands. Meira »

Krossgjafaskipti í burðarliðnum

05:30 Bið eftir nýrnagjöf ætti að styttast komist á samkomulag um svonefnd krossgjafaskipti innan Norðurlandanna en undirbúningur að því er vel á veg kominn. Meira »
Ford Escape 2007. SKOÐAÐUR. SKIPTI MÖGULEG.
FORD ESCAPE XLT, 0 6/2007, EK. 122 Þ. KM., V6, 3,0, 201 HÖ., SJÁLFSK.,...
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta lúgu stigar, 68x85 og 55x113, smíðum líka eftir máli. Álst...
4 manna hornklefi Infrarauður Saunaklefi tilboð til 279.000 var 350.000
Verð 350.000 Topp klefar.Tilboð 279.000 (er á leiðinni 2-3 vikur ) Hiti frá 3...