Tækifæri til bjartsýni

Þórður Vilberg Oddsson gaf út ljóðabókina Tækifæri nýverið en Þórður ...
Þórður Vilberg Oddsson gaf út ljóðabókina Tækifæri nýverið en Þórður byrjaði snemma að semja vísur. mbl.is/Árni Sæberg

Þórður Vilberg Oddsson hefur alltaf verið mikill íslenskumaður og mikill áhugamaður um kveðskap. Hann hefur ort ljóð allt frá því í barnæsku og gaf út sína fyrstu ljóðabók 16. nóvember, á degi íslenskrar tungu.

„Ég byrjaði snemma að semja vísur. Fyrsti kveðskapurinn kviknaði þegar ég var í barnaskóla. Í menntaskóla má segja að ég hafi byrjað að semja af einhverri alvöru, þá sendum við bekkjarbræður fyrriparta og botna okkar á milli í tímum,“ segir Þórður á baksíðu bókarinnar.

Hann segir að það hafi staðið til í 20-25 ár að gefa út bókina en Þórður hefur samið fjölmargar vísur fyrir vini og kunningja í gegnum árin. Meðal annars tækifærisvísur á afmælisdögum og við önnur tækifæri í lífi fólks.

„Þegar ég skoða allar þessar vísur sem ég hef haldið til haga allt frá árinu 1994 sé ég að þær eru eins konar dagbók. Þar er ég meðal annars að fjalla um stjórnmálin á hverjum tíma, stjórnarviðræður, nýjar ríkisstjórnir, Icesave, forsetakosningar og fleira. Eins eru þetta lýsingar á fólkinu í kringum mig, meðal annars fólki sem því miður er fallið frá,“ segir Þórður. 

Í bókinni er meðal annars ljóð sem Þórður samdi og var flutt við lagið Finlandia eftir Sibelius við jarðarför móður Þórðar, Soffíu Kristínar Hjartardóttur, árið 2007 og stjúpföður hans, Harðar Barðdal, árið 2009. 

Að sögn Þórðar er ljóðið eitt þeirra sem honum þykir vænst um í bókinni auk ljóða sem hann hefur samið til eiginkonu sinnar og barna við ýmis tækifæri. „Þetta er að mörgu leyti persónuleg bók og kannski leið mín til þess að koma þessu frá mér,“ segir Þórður.

Þórður vinnur hjá tryggingarfélaginu Allianz á Íslandi og vann lengi innan bankageirans, bæði hjá Íslandsbanka og Straumi en hann lauk diplómanámi í viðskiptafræði frá Háskólanum á Bifröst.

Þegar Þórður vann hjá Íslandsbanka var haldin keilukeppni á milli deilda í höfuðstöðvum bankans og voru reglurnar þær að ekki mætti senda áskorun á næstu deild nema í bundnu máli. Þannig að oft var leitað í smiðju Þórðar eftir kvæði.

Þar samdi hann margar vísur um starfsfélaga og eins vísur fyrir árshátíðir, afmæli og brúðkaup og við fleiri tækifæri. 

„Mér hefur oft verið bent á að gefa vísurnar út en aldrei látið verða að því fyrr en nú með aðstoð fyrrverandi vinnufélaga, Sigurðar Sigurðarsonar, sem hannaði bókina og braut um. „Ég hefði aldrei getað þetta án hans góðu hjálpar,“ segir Þórður.

„Tilgangurinn með útgáfunni var ekki að öðlast frægð og frama né heldur að græða á bókinni heldur miklu fremur að koma þessu frá mér. Það tókst og ég er ánægður með það,“ segir Þórður.

Mjög misjafnt er hvernig Þórði gengur að yrkja og suma daga rekur hvorki né gengur enda er honum annt um að láta ekkert frá sér nema hann sé sáttur. Eitt af því sem einkennir ljóð Þórðar eru stuðlar og höfuðstafir og segir hann að það sé metnaðarmál hjá honum að ljóðstafir séu í vísunum. 

Hann yrkir mikið og kvöldið áður en blaðamaður hitti Þórð hafði hann sett saman tvær vísur. Hvorug þeirra fékk að lifa og enduðu báðar í ruslinu þar sem skáldið var ekki var ekki sátt við niðurstöðuna. Báðar voru um þau mál sem helst eru í umræðunni þessa dagana. 

Bjartsýni einkennir kveðskap Þórðar og heitir bók hans Tækifæri. „Ég skilgreini kveðskap minn ekki sem tækifærisvísur. Tækifæri er í mínum huga gott orð og fullt bjartsýni,“ segir Þórður spurður út í nafn bókarinnar. 

Að sögn Þórðar finnst honum gott að koma hlutunum frá sér og um leið að segja skoðanir sínar á málefnum líðandi stundar með því að semja um þá vísur. 

Þórður heldur úti síðu á Facebook sem nefnist Tækifærisvísur og ljóð og þangað rata inn vísur um veðrið, lífið og tilveruna. „Þangað set ég ekki í vísur tengdar pólitík,“ segir Þórður og brosir. 

Allur ágóði af sölu bókarinnar rennur til LAUFs, félags flogaveikra, en Þórður hefur verið  flogaveikur frá því hann var 11 ára gamall. „Mér fannst vel við hæfi að allur ágóði af sölu bókarinnar myndi renna til LAUFs, félags flogaveikra, þar  sem ég hafði engan áhuga á að bókin myndi skila mér ágóða.“

Þórður segir að fyrsta flogakastið hafi komið þegar hann var 11 ára gamall og eftir það fylgdi honum alltaf einhver af samnemendum hans í skólanum þegar flogakast var í vændum. Skólasystkini hans vissu öll af veikindum hans og að sögn Þórðar þurfti hann ekki annað en að rétta upp hönd og ganga út til þess að eitthvert þeirra fylgdi á eftir til að gæta hans. Hann hefur alla tíð verið mjög opinn varðandi veikindi sín og flogaveikin ekkert feimnismál. 

Frá því Þórður fékk fyrsta flogakastið hefur orðið mikil þróun varðandi þekkingu á sjúkdómnum og lyfjagjöf. Köstin hafa líka tekið breytingum, hann missir meðvitund en það er alltaf fyrirvari á því þannig að hann veit hvað er í vændum. 

Hann hefur verið hætt kominn vegna flogaveikinnar og var nálægt því að drukkna í eitt skipti. Þar varð snarræði dóttur hans honum til bjargar.

Fjölskyldan var stödd á baðströnd og var Þórður að leika sér í öldunum ásamt dóttur sinni, sem var 12 ára gömul. Þórður missti meðvitund í sjónum en hún náði að koma honum til bjargar og var hann fluttur með sjúkrabíl á sjúkrahús. 

Á vef LAUFs segir svo um krampaflog í vatni: 

Þegar aðstoða á fólk sem fær krampaflog í vatni gilda sömu reglur og þegar bjarga á manni frá drukknun. Mjög erfitt er að greina flog í vatni og oft er því ekki vitað að um slíkt er að ræða fyrr en að er komið. Ráðlagt er að fá aðstoð því krampaflogið gerir björgunarstarfið erfitt. Nauðsynlegt er að halda fólki þannig í vatninu að andlit og höfuð þess séu fyrir ofan yfirborð vatnsins.

Það þarf að koma viðkomandi úr vatninu eins fljótt og mögulegt er. Þá er ástandið kannað, þ.e. hvort kippirnir eða kramparnir séu hættir og hvort öndun er eðlileg (oft stöðvast öndun í krampaflogi en hefst þó venjulega strax og því lýkur). Ef engin öndun er merkjanleg þegar flog er yfirstaðið skal nota blástursaðferð eins og í öðrum björgunartilfellum. Öllum sem fá flog í vatni þarf að koma undir læknishendur sem fyrst til að kanna hvort vatn hafi komist í lungu.

Þórði var sagt á sínum tíma að flogaveikin myndi eldast af honum en það er ekki raunin. „Ég man vel eftir viðtali hjá lækni sem var á þeim tíma nýkominn úr námi í Bandaríkjunum. Hann sagði við mig: Nei Þórður þetta mun ekki eldast af þér. Ég viðurkenni að þessi orð læknisins voru ákveðið áfall en læknirinn, Kári Stefánsson, sem nú er forstjóri Íslenskrar erfðagreiningar, hafði rétt fyrir sér,“ segir Þórður Vilberg Oddsson. 

Þórður annast sjálfur útgáfu og sölu á bókinni og er hægt að hafa samband við hann í gegnum Facebook-síðuna Tækifærisvísur og ljóð og netfangið torduro@simnet.is. 

mbl.is

Innlent »

Gengið til mótmæla gegn hungri og örbirgð

14:59 Hópur fólks kom saman á Austurvelli við Alþingi í dag til þess að mótmæla því, að fólk fái ekki laun og lífeyri sem dugar því til að framfleyta sér. Á annað þúsund manna boðuðu komu sína á Facebook en á vettvangi voru einhverju færri. Meira »

Allt að 1.000 leggi niður störf 8. mars

14:27 Það geta verið allt að 1.000 félagsmenn Eflingar sem hætta að vinna í boðuðum verkfallsaðgerðum á hótelum í Reykjavík og nágrenni 8. mars. Hátt í 8.000 félagsmenn kjósa um þetta í vikunni. Meira »

Fjölskyldusamvera í skólavetrarfríi

13:40 Vetrarfríin eru hætt að koma foreldrum jafnmikið á óvart og þau gerðu fyrstu árin.  Meira »

Kiddi klaufi langvinsælastur

12:12 Dagbækur Kidda klaufa verma níu efstu sætin yfir vinsælustu bókasafnsbækurnar fyrir árið 2018, en listar yfir vinsælustu eða mest lánuðu titla í aðildarbókasöfnum Gegnis hafa nú verið gerðir aðgengilegir. Meira »

Í vinsælasta spjallþætti á Írlandi

12:00 Bræður Jóns Þrastar Jónssonar, sem hvarf í Dublin á dögunum, fóru í viðtal í The Late Late Show í írska ríkissjónvarpinu í gær. Þátturinn er annar langlífasti spjallþáttur í heimi. Meira »

„Sem mest tjón á sem skemmstum tíma“

11:25 Framkvæmdastjóri Samtaka ferðaþjónustunnar er harðorður í garð forystu stéttarfélaganna vegna boðaðra verkfalla. Hann segir sviplegar afleiðingar geta orðið af verkföllum í ferðaþjónustu. Meira »

Grunaðir um skipulagðan þjófnað

10:35 Lögreglumenn í flugstöðvardeild lögreglunnar á Suðurnesjum höfðu afskipti af fjórum erlendum karlmönnum í Leifsstöð í vikunni vegna gruns um að þeir væru að reyna að komast með þýfi úr landi. Meira »

Umfangsmesta aðgerðin hingað til

10:00 Í dag hefst umfangsmesta einstaka aðgerðin í leitinni að Jóni Þresti Jónssyni, Íslendingi sem hvarf í Dublin fyrir tveimur vikum síðan. Fleiri tugir írskra sjálfboðaliða taka þátt í þaulskipulagðri aðgerð. Meira »

HÍ brautskráir 444 í dag

09:50 Háskóli Íslands brautskráir 444 kandídata, 313 konur og 131 karl, úr grunn- og framhaldsnámi við hátíðlega athöfn klukkan 13 í dag. Meira »

MDE kveður upp dóm í máli Landsréttar

09:05 Mannréttindadómstóll Evrópu kveður upp dóm vegna skipan dómara í Landsrétt 12. mars næstkomandi, en þá mun koma í ljós hvort skipanin standist lög og ákvæði mannréttindasáttmála Evrópu. Meira »

Atvinnumaður í Reykjavík

09:00 Helena Sverrisdóttir, fremsta körfuboltakona landsins um langt árabil, hefur ekki fundið fyrir því að minni kröfur séu gerðar til kvenna en karla í körfubolta. „Mér finnst við hafa sömu tækifærin og strákarnir.“ Meira »

Vatnsleki á veitingahúsum í Austurstræti

08:26 Slökkvilið höfuðborgarsvæðisins fór í tvö útköll vegna vatnsleka á sjötta tímanum í morgun. Um var að ræða leka vegna mikillar úrkomu og flæddi inn í kjallara tveggja veitingahúsa. Meira »

Njóta skattleysis í Portúgal

08:18 Vegna ákvæða í tvísköttunarsamningi milli Íslands og Portúgals geta íslenskir eftirlaunaþegar flutt lögheimili sitt til Portúgals og fengið greidd eftirlaun frá Íslandi án þess að greiða af þeim skatta, hvorki á Íslandi né í Portúgal. Meira »

Segja hæstu launin hækka mest

07:57 Lægstu byrjunarlaun myndu hækka um 59% á næstu þremur árum og hæsta aldursþrep í hæsta virka launaflokki um 82% ef kröfur Eflingar í kjaraviðræðunum yrðu samþykktar óbreyttar. Meira »

Kjarabaráttan snýst ekki um staðreyndir

07:37 Ásgeir Jónsson, forseti hagfræðideildar Háskóla Íslands og fv. hagfræðingur verkalýðsfélagsins Dagsbrúnar, segir grundvallarbreytingu hafa orðið á kjarabaráttunni. Meira »

Ekkert lát á umhleypingum í veðri

07:33 Lægð fer norður yfir land með rigningu og mildu veðri í dag, en vindur snýst síðan í suðvestan 15 til 25 metra á sekúndu og hvassast verður á Norður- og Austurlandi. Meira »

Aðalfundi Íslandspósts frestað

07:25 Aðalfundi Íslandspósts, sem fara átti fram í gær, var frestað um ótilgreindan tíma að beiðni handhafa hlutabréfa félagsins: fjármálaráðherra. Þar átti meðal annars að birta ársskýrslu, þar sem fram koma breytingar á kaupi og kjörum stjórnenda félagsins. Meira »

Eftirlitið kostað milljarða króna

05:30 Ekki reyndist unnt að svara með fullnægjandi hætti fyrirspurn Birgis Þórarinssonar alþingismanns sem laut að rekstrarkostnaði gjaldeyriseftirlits Seðlabanka Íslands. Meira »

Krossgjafaskipti í burðarliðnum

05:30 Bið eftir nýrnagjöf ætti að styttast komist á samkomulag um svonefnd krossgjafaskipti innan Norðurlandanna en undirbúningur að því er vel á veg kominn. Meira »
Húsaviðgerðir
https://www.husco.is...
Vantar Trampólín
Viltu selja eða bara lostna við Trampólínið þitt, kem og tek það niður ef vill.....
Tæki fyrir skógræktina
Framundan er grisjun. Öflugir vökvastýrðir kurlarar, viðarkljúfar, stubbafræsar...