Írska lögreglan hefur birt mynd úr öryggismyndavél þar sem Jón Þröstur Jónsson sést á gangi við Whitehall í Dyflinni um klukkan 11 daginn sem hann hvarf, 9. febrúar, og biðlað til almennings á ný um að aðstoða við leitina.

Garda-lögreglan deilir ljósmyndinni úr öryggismyndavél á Facebook, auk andlitsmyndar af Jóni Þresti, sem ekki hefur spurst til í rúmar tvær vikur.

Umfangsmikil leit var gerð að Jóni Þresti í gær, en þá aðstoðuðu um hundrað innlendir sjálfboðaliðar fjölskyldu og aðstandendur Jóns Þrastar við að kemba svæðið í nágrenni staðarins þar sem hann átti gistingu og þar sem sást síðast til hans.

Þúsundir auglýsinga með upplýsingum og mynd hafa verið hengdar upp víðs vegar um borgina.

Tengdar fréttir

Jóns Þrastar leitað

Engar frekari upplýsingar um hvarf Jóns borist

• Leitin í garðinum hefur engan árangur borið
• Þriðji dagur leitarinnar að Jóni Þresti
• Lögreglan búin að girða af svæði
• Hundar og kafarar tekið þátt í leitinni

» Fleiri tengdar fréttir

• Blogga um frétt