Bjarni telur tvo kosti í stöðunni

Bjarni Benediktsson fjármálaráðherra ræðir við fjölmiðla í dag.
Bjarni Benediktsson fjármálaráðherra ræðir við fjölmiðla í dag. mbl.is/Árni Sæberg

„Ég hef staðið með Sigríði Andersen í hverju skrefi sem hún hefur tekið í þessu máli,“ sagði Bjarni Benediktsson fjármálaráðherra um þá ákvörðun Sigríðar að stíga til hliðar sem dómsmálaráðherra.

„Þessir flokkar sem starfa saman núna hafa mjög mikla trú á þessu stjórnarsamstarfi. Þegar við setjumst saman niður og ræðum stöðu eins og þá sem nú er komin upp þá hugsum við fyrst og fremst að fá frið til að leiða vandasöm verkefni til lykta.

Ég sagði við mína samstarfsmenn að það þyrfti að melta niðurstöðu dómsins. Við tókum gærdaginn í það og það var ekkert ákveðið með þessa hluti þegar við vöknuðum í morgun. Hún tekur þessa ákvörðun á eigin forsendum og mér finnst það virðingarvert,“ sagði Bjarni.

Hann sagði að í hans huga væru nú tveir kostir í stöðunni þegar skipaður verður nýr dómsmálaráðherra.

„Annars vegar fáum við ráðherra úr ríkisstjórninni til þess að gegna embættinu, eða þá að einhver úr þingflokki Sjálfstæðisflokksins komi í stól dómsmálaráðherra.“

Spyr hvort MDE hafi stigið yfir línuna

Bjarni er harðorður í garð Mannréttindadómstóls Evrópu er varðar úrskurð dómstólsins í gær um skipun dómara í Landsrétt.

„Mér finnst mikilvægt að við veltum upp þeirri spurningu hvort við höfum framselt túlkunarvald yfir íslenskum lögum til Evrópu. Ég hélt ekki. Eitt af stóru álitamálunum yfir þessum dómi snýr að því hvar hann dregur mörkin í afskiptum af niðurstöðum í aðildarríkjum,“ sagði Bjarni.

Hann vill að stjórnvöld reyni á það að áfrýja málinu til æðra stigs.

„Niðurstöður dómstólsins hafa oft verið mjög umdeildar. Bretar hafa rætt það að segja sig frá honum og nú finnst mér vera komið upp mál þar sem við hljótum að spyrja okkur hvort stigið hafi verið yfir línuna af dómstól sem ekki er æðsti dómstóll á Íslandi. Þeir eru innanlands. Meðal annars af þessari ástæðu er ég þeirrar skoðunar að það verði að reyna á það sjónarmið um að hér hafi menn gengið allt, allt of langt,“ sagði Bjarni.

Mér þykir þetta ekki léttvægt

Spurður um stöðu Landsréttar segir Bjarni að nú verði hægt að greiða úr málinu.

„Dómstóllinn þarf að íhuga þessa stöðu sem komin er upp. En ég vil ekki að nokkur maður haldi að mér þyki þetta léttvægt. Þetta er alvarlegt mál og ráðherra stígur til hliðar til þess að hægt sé að greiða úr málinu, svo aðkoma hennar á fyrri stigum sé ekki að þvælast fyrir,“ sagði Bjarni.

Hann sagði það undir hverjum og einum komið, sem hafa verið í umfjöllun í Landsrétti, hvort viðkomandi telji rétt að fara fram á endurupptöku mála og meta það hvort önnur niðurstaða væri líkleg.

Að lokum sagði Bjarni það ekki vera klukkutímaspursmál hvenær myndi liggja fyrir um næsta dómsmálaráðherra. Líklegt væri að boðað yrði til ríkisráðsfundar á morgun þar sem næstu skref í málinu munu verða metin. 

Fréttin hefur verið uppfærð.

mbl.is

Bloggað um fréttina

Innlent »

Hefja lagningu jarðstrengs á Kili

14:15 Ákvörðun um lagningu rafstrengs í jörð meðfram sunnanverðum Kjalvegi var tilkynnt á fréttamannafundi hjá RARIK nú eftir hádegið. Hann mun liggja meðfram veginum um Kjöl og ná upp að Hveravöllum. Stefnt er á að verkinu ljúki í haust. Meira »

Siglfirðingur vann 40 milljónir

13:57 Heppinn Siglfirðingur vann tæplega 40 milljónir skattfrjálst í lottói fyrir tveimur helgum, en hann keypti miðann í verslun Olís á Siglufirði. Tilviljun réð því að miðinn var keyptur samkvæmt því sem fram kemur í tilkynningu frá Íslenskri getspá, en kaupandinn var að fá sér að borða þegar hann tók eftir að potturinn stefndi í áðurnefnda upphæð og hann ákvað að kaupa miðann. Meira »

Ísland dýrasti áfangastaður Evrópu

13:51 Ferðamenn sem koma til Íslands greiða tæplega tvöfalt hærra verð fyrir vörur og þjónustu en að meðaltali innan Evrópusambandsins. Ísland er um þessar mundir dýrasta land Evrópu og að öllum líkindum einn dýrasti áfangastaður heims fyrir ferðamenn. Meira »

Styttist í aðkomu fjárfesta

13:32 Hjólin eru farin að snúast enn frekar hjá Hreiðari Hermannssyni, hótelstjóra Stracta Hotels, sem vinnur að því hörðum höndum að stofna nýtt lággjaldaflugfélag. Hann á von á því að geta farið að bjóða fjárfestum að borðinu strax í næstu viku. Meira »

Ópal undir tíðu eftirliti MAST

12:18 Matvælastofnun hefur fylgst grannt með framleiðslu hjá Ópali sjávarfangi síðan í ljós kom að afurðir frá fyrirtækinu væru listeríusmitaðar og gera má ráð fyrir að fyrirtækið falli um framleiðsluflokk. Meira »

Enginn neyðist til að sofa úti

11:59 Það er forgangsmál hjá Reykjavíkurborg að leysa húsnæðisvanda þeirra sem eru án heimilis í Reykjavík. Að enginn neyðist til að sofa úti nema viðkomandi óski þess sjálfur, segir Heiða Björg Hilmarsdóttir, formaður velferðarráðs. 38% þeirra sem komu á Vog árið 2017 höfðu ekki húsnæði til umráða. Meira »

Stakk gat á hjólbarða bifreiða

11:34 Maður var handtekinn í Reykjavík í morgun grunaður um að hafa stungið gat á hjólbarða á bifreiðum, en tilkynnt var um manninn á sjöunda tímanum í morgun. Hann var handtekinn skömmu síðar og vistaður í fangageymslu. Þetta er meðal þess sem kemur fram í dagbók lögreglunnar á höfuðborgarsvæðinu. Meira »

Tíðindalítið úr þrotabúi WOW

11:27 Þrátt fyrir fjölda fyrirspurna til skiptastjóra þrotabús WOW air um kaup á eignum úr þrotabúinu er lítil hreyfing á slíkum viðskiptum. Meira »

Ætla að reyna til þrautar

10:30 „Það er búið að skipuleggja fundi út daginn og eftir atvikum um helgina ef þörf krefur,“ segir Kristján Þórður Snæ­bjarn­ar­son, formaður fram­kvæmda­stjórn­ar Rafiðnaðarsam­bands Íslands og talsmaður iðnaðarmanna í kjaraviðræðum við Sam­tök at­vinnu­lífs­ins, við mbl.is. Meira »

Til skoðunar að áfrýja

10:20 Forráðamenn Suns­hine Press Producti­ons (SSP) og Datacell, rekstr­ar­fé­lagi Wiki­leaks, eru með það til skoðunar að áfrýja dómi Héraðsdóms Reykjavíkur sem dæmdi þeim 1,2 milljarða króna í bætur frá Valitor. Um er að ræða töluvert lægri bætur en tjónið var metið vera. Meira »

Góðar breytingar fyrir Borgarlínu, verri fyrir skólana

07:57 Í drögum að tillögu að breyttu aðalskipulagi á Sjómannaskólareit og Veðurstofuhæð kemur fram að áform um breytta landnotkun og fjölgun íbúða muni styrkja uppbyggingu farþegagrunns Borgarlínu. Meira »

Stefndi að Skeifunni frá því hann kom í skólann

07:37 „Ég setti mér það markmið þegar ég kom í skólann að taka þessi verðlaun. Það er gömul hefð að keppa um Skeifuna. Mér fannst ég hafa bakgrunninn til að geta stefnt að því,“ segir Guðjón Örn Sigurðsson frá Skollagróf í Hrunamannahreppi sem fékk Morgunblaðsskeifuna afhenta í gær, á Skeifudegi hestamannafélagsins Grana á Hvanneyri. Meira »

Norðanhret í vændum

07:20 Um miðja næstu viku er spáð norðanhreti og ljóst að það mun kólna talsvert frá því sem nú er. Segir veðurfræðingur að komandi maímánuður virðist engin undantekning frá því sem oft er - að það leggi í norðankulda í mánuðinum. Meira »

Hundruð í sóttkví

07:10 Hundruð nemenda og starfsmanna við tvo háskóla í Kaliforníu hafa verið settir í sóttkví vegna mislingafaraldurs sem þar geisar. Það sem af er ári hafa 695 smitast af mislingum í Bandaríkjunum og á heimsvísu hefur mislingatilvikum fjölgað um 300% á fyrstu þremur mánuðum ársins. Meira »

Grunaður um brot á nálgunarbanni

06:42 Maður í annarlegu ástandi var handtekinn síðdegis í gær þar sem hann var í óleyfi í stigagangi fjölbýlishúss í hverfi 111. Maðurinn er grunaður um brot á nálgunarbanni og var hann vistaður fyrir rannsókn máls í fangageymslu lögreglu. Meira »

Íslensk sulta í toppbaráttunni

05:30 Íslenski framleiðandinn Good Good náði á topp vinsældalista yfir mest seldu sulturnar hjá bandarísku vefversluninni Amazon nýverið. Meira »

Aukin aðsókn í Frú Ragnheiði

05:30 Heimsóknum til Frú Ragnheiðar, skaðaminnkandi úrræðis Rauða krossins fyrir fólk sem notar vímuefni í æð, fjölgaði um 38% á milli áranna 2017 og 2018. Heimsóknirnar voru 3.854 en einstaklingarnir að baki þeim 455. Meira »

Fundað um framkvæmd aðgerða

05:30 Unnið er í Stjórnarráðinu að undirbúningi þess að hrinda í framkvæmd 45 atriðum sem fram komu í yfirlýsingu ríkisstjórnarinnar í tengslum við samninga á almennum vinnumarkaði. Forsætisráðherra hefur boðað til fundar hagsmunaaðila um miðjan maí til að fara yfir stöðu mála og ræða framkvæmdina. Meira »

Nýliðinn vetur var afar hlýr

05:30 Nýliðinn vetur telst vera afar hlýr, segir Trausti Jónsson veðurfræðingur í samantekt. Meðalhiti í Reykjavík var 2,4 stig, um 1,4 stigum ofan meðallags vetra síðustu 70 ára og 0,6 stigum ofan meðallags síðustu tíu vetra. Hitavik eru svipuð á Akureyri. Meira »
INTENSIVE ICELANDIC, ENGLISH, NORWEGIAN, DANISH & SWEDISH f. foreigners - ÍSLENSKA f.útl - ENSKA - NORSKA, DANSKA, SÆNSKA
ÍSLENSKA, ENSKA, NORSKA, DANSKA, SÆNSKA I, II, III, IV, V, VI: Starting dates...
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...