Huldukonan með skopparakringlu

Konan sem hitti Báru á barnum Klaustir var með skopparakringlu …
Konan sem hitti Báru á barnum Klaustir var með skopparakringlu meðferðis. mbl.is/Hari

Ragnheiður Erla Björnsdóttir, tónskáld og rithöfundur, er „óþekkta konan“ sem hitti Báru Halldórsdóttur á barnum Klaustri 20. nóvember síðastliðinn. Þetta staðfestir Bára við mbl.is. 

Í Stundinni og á Fréttablaðið kemur fram að í samtali við Ragnheiði að hún hafi verið með litla skopparakringlu meðferðis og annað hvort ljóðabók eða tölvu meðferðis þetta umrædda kvöld. Ragnheiður Erla sá Báru sitja á barnum bæði á leið sinni á æfingu í Rauða skáldahúsinu og á leið heim. Í seinna skiptið ákvað hún að kíkja á Báru en staldraði stutt við því hún hafi verið upptekin. Þær áttu í stuttum orðaskiptum og föðmuðust.  

Í samtali við mbl.is segist Bára sjálf ekki muna hvað Ragnheiður Erla hafi haft nákvæmlega meðferðis enda ekki að leggja það á minnið í þá stuttu stund sem þær hittust.  

Ekki náðist í Ragnheiði Erlu við vinnslu fréttarinnar er hún er stödd á Sri Lanka þar sem hún vinnur sem sjálfboðaliði með börnum. 

Stjórn Per­sónu­vernd­ar hef­ur hafnað kröf­um lög­manns þing­manna Miðflokks­ins um frek­ari gagna­öfl­un í Klaust­urs­mál­inu.

mbl.is

Bloggað um fréttina