Ný löggjöf í Alabama-ríki um þungunarrof hefur vakið töluverða athygli, en þau lög eru hin hörðustu í Bandaríkjunum.
Þungunarrof, sem einnig kallast fóstureyðing, er nú bannað á öllum stigum meðgöngunnar og geta læknar átt yfir höfði sér allt að lífstíðarfangelsi fyrir að framkvæma það.
Fleiri ríki Bandaríkjanna hafa hert löggjöf um fóstureyðingar á undanförnum misserum. Silja Bára Ómarsdóttir, dósent í alþjóðasamskiptum, segir í Morgunblaðinu í dag að lagasetningin sé hugsuð til þess að fá hæstarétt Bandaríkjanna til þess að taka réttinn til fóstureyðinga til endurskoðunar en hann hefur verið sagður varinn af stjórnarskrá Bandaríkjanna allt frá dómi hæstaréttar landsins í máli Roe gegn Wade árið 1973.