„Þetta eru auðvitað ánægjuleg tíðindi,“ segir Katrín Jakobsdóttir forsætisráðherra í samtali við mbl.is innt eftir viðbrögðum hennar við þeirri ákvörðun peningastefnunefndar Seðlabanka Íslands í morgun að lækka vexti um 0,5% í 4%.

Frétt af mbl.is

„Sig­ur fyr­ir lífs­kjör allra Íslend­inga“

„Við vonuðumst vitanlega til þess að þessi nálgun á kjarasamninga, sem við kynntum á sínum tíma í Ráðherrabústaðnum, það er að segja að við værum að horfa á annars vegar upplegg kjarasamninga eins og aðilarnir lentu sín á milli og hins vegar að stjórnvöld greiddu fyrir þeim með ýmsum þáttum sem hafa áhrif á lífskjör og birtast kannski ekki í launatölunum heldur snúast um lífskjör í lægra húsnæðisverði, lengra fæðingarorlofi o.s.frv.,“ segir Katrín ennfremur og bætir við:

Frétt af mbl.is

„Gríðarlega ánægjuleg tíðindi“

„Við auðvitað bundum vonir við að þessir langtímasamningar og allar þessar samþættu aðgerðir myndu skila umhverfi til vaxtalækkunar. Þannig að það er ánægjulegt að sjá ekki aðeins vaxtalækkunina heldur að heyra það í rökstuðningi seðlabankastjóra að lífskjarasamningarnir hafi skipt þarna verulegu máli.“

Tengdar fréttir

Kjaraviðræður

Flugáætlanir kunna að taka breytingum

• Allra augu á opinbera markaðinum
• „Strandar ekki á launaliðnum“
• 90% samþykktu verkfallsaðgerðir
• Verkfallsaðgerðir á Keflavíkurflugvelli samþykktar

» Fleiri tengdar fréttir

• Blogga um frétt