Tjá sig ekki um viðræðurnar
Setja bókamerki
Samninganefnd sveitarfélaganna hyggst ekki tjá sig um stöðu kjaraviðræðna Sambands íslenskra sveitarfélaga við Starfsgreinasambandið umfram það sem fram hefur komið í fyrri yfirlýsingum frá nefndinni. Deilan lúti verkstjórn ríkissáttasemjara.
Mbl.is leitaði eftir viðbrögðum samninganefndar sveitarfélaganna vegna yfirlýsinga frá Starfsgreinasambandinu og Framsýn stéttarfélags, sem á aðild að sambandinu, þar sem komið hefur fram að deilan sé í hnút. Meðal annars vegna deilna um lífeyrismál að sögn Björns Snæbjörnssonar, formanns SGS, í samtali við mbl.is í gær.
Framsýn stéttarfélag og Eining-Iðja, sem bæði eiga aðild að SGS, vilja að farið verði í verkföll í haust ef ekki verður fallist á eingreiðslu til félagsmanna aðildarfélaga sambandsins meðan á viðræðum stendur eins og samið hafi verið um við önnur félög.
Forsvarsmenn stéttarfélaganna segja að samninganefndin hafi hafnað því að eingreiðsla verði greidd í tilfelli þeirra, sem einnig fæli í sér frestun viðræðna og friðarskyldu til 15. september, þar sem deilu þeirra hafi verið vísað til ríkissáttasemjara.
Fundað verður næst í kjaradeilunni hjá ríkissáttasemjara 21. ágúst.
Algeng laun 1,4 til 2,2 milljónir
Óvenjuleg tilkynning: 19 í gæsluvarðhaldi
„Hví erum við dýrasta land í heimi?“
Eina leiðin var að fella björninn
Búið að fella björninn
Vangaveltur gengu lengra en innistæða var fyrir
Segja 20 liðsmenn Hisbollah látna
Rannsóknin skýrist með hverjum degi