Haraldur á fund Áslaugar Örnu
Setja bókamerki
Haraldur Johannessen ríkislögreglustjóri mun koma á fund Áslaugar Örnu Sigurbjörnsdóttur, nýs dómsmálaráðherra, nú fyrir hádegi til að ræða ummæli ríkislögreglustjóra í Morgunblaðinu um helgina. Þá er Lögreglustjórafélag Íslands þessa stundina á Skype-fundi um málið.
Í ítarlegu viðtali við Morgunblaði sagði Haraldur m.a. gagnrýni sína á framgöngu lögreglumanna eiga þátt í þeirri undiröldu sem nú væri innan lögreglunnar og að gera þyrfti úttekt á menningu sérsveitarinnar. Þá vísaði hann fullyrðingum um bíla- og fatamál embættisins á bug.
„Ég hef líka bent á að ekki eigi að líða spillingu innan lögreglunnar. Hluti af umræðunni sem er að brjótast fram núna er kannski einnig vegna þeirrar afstöðu minnar. Ég hef til dæmis bent á að það fari ekki saman að lögreglumenn séu meðfram starfi sínu í pólitísku vafstri. Það fer að mínu viti ekki saman,“ sagði Haraldur í viðtalinu.
Áður hefur komið fram að Áslaug Arna hafi sagt starfslokasamning við Harald vera til skoðunar.
Gígbarmurinn hækkað frá því í gær
Mál hjúkrunarfræðingsins fer aftur fyrir héraðsdóm
Vonast til að tjaldbúðir við HÍ standi áfram
Banna mengandi búnað sem leyfður er á Íslandi
Hvorki sést áður hér á landi né annars staðar
Nemendur í HÍ reistu tjaldbúðir án leyfis