Fram er komin á Alþingi þingsályktunartillaga um að óháð úttekt verði gerð á Landeyjahöfn. Að tillögunni standa þingmenn allra flokka í Suðurkjördæmi, átta talsins, og er Páll Magnússon, fyrsti þingmaður kjördæmisins, fyrsti flutningsmaður tillögunnar.

Páll Magnússon segir í Morgublaðinu í dag að tillagan hefði ekki fengið efnislega afgreiðslu á síðasta þingi. Hún hefði bara fallið á tíma.

„Ég geri fastlega ráð fyrir því að tillagan fái efnislega umfjöllun á nýhöfnu þingi. Ég hef ekki orðið var við að það sé neinn ágreiningur um þetta mál. Ég m.a. ræddi þetta við samgönguráðherra, áður en ég lagði tillöguna fram á síðasta þingi. Sigurður Ingi var sammála efni hennar, enda er hann einn af þingmönnum Suðurkjördæmis. Það eru allir þingmenn kjördæmisins á tillögunni nema hann, sem er bara eðlilegt, vegna þess að tillagan beinist að honum,“ sagði Páll.

Tengdar fréttir

Landeyjahöfn

Landeyjahöfn „eitt mesta verkfræðislys seinni ára“

• Þörf á endurbótum á Landeyjahöfn
• Mannvit tekur út Landeyjahöfn
• Umhverfisáhrif dýpkunar Landeyjahafnar metin
• Þurfa að leigja 300 tonna krana

» Fleiri tengdar fréttir