Eigi sjálfkeyrandi bílar að geta ekið um Ísland í öllum veðrum er nauðsynlegt að umferðarmerki séu þannig búin að snjallbílar geti skynjað umferðarmerkin án þess að þurfa að geta „lesið“ á merkið.
Ef treysta þarf á myndgreiningu, eins og nú er staðan, þarf ekki nema smávegis snjó til að setja skynjunina úr skorðum.
Starfshópur um endurskoðun umferðarmerkja hefur verið skipaður og ber honum að skila af sér í febrúar, að því er fram kemur í fréttaskýringu um þetta efni í Morgunblaðinu í dag.