Opinn kynningarfundur borgarstjóra um uppbyggingu íbúðarhúsnæðis í Reykjavík verður haldinn í dag kl. 9 til 11 í Ráðhúsi Reykjavíkur. Alls eru 4.164 íbúðir á framkvæmdastigi í borginni. Þar af eru um 2.500 í byggingu fyrir almennan markað og rúmlega 1.600 á vegum húsnæðisfélaga. 

Samkvæmt tilkynningu frá Reykjavíkurborg eru um 54 þúsund íbúðir í borginni eins og staðan er í dag.

Á fundinum verður lögð áhersla á samþykkt verkefni og framkvæmdir sem eru nýlega hafnar, en einnig verður gefin innsýn í verkefni á undirbúningsstigi. 

Dagskrá:

• Uppbygging íbúða í Reykjavík. 
  Dagur B. Eggertsson, borgarstjóri
• Ný búsetuform í borgum. 
  Guðrún Björnsdóttir, framkvæmdastjóri Félagsstofnunar stúdenta
• Húsnæðisuppbygging í hverfaskipulagi.
  Sigurborg Ósk Haraldsdóttir, formaður skipulags- og samgönguráðs

Alls eru 4.164 íbúðir á framkvæmdastigi víðs vegar um borgina. mbl.is/​Hari

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

• Blogga um frétt