Fundi samninganefnda Blaðamannafélags Íslands og Samtaka atvinnulífsins lauk um eittleytið og hafði þá staðið yfir í um tvær klukkustundir. Engin niðurstaða fékkst á fundinum og stefnir því í verkfallsaðgerðir á morgun, föstudag. 

„Við erum sammála um að vera ósammála,“ segir Hjálmar Jónsson, formaður BÍ, í samtali við mbl.is.  

Félagar í Blaðamannafélaginu felldu á þriðjudag ný­gerðan kjara­samn­ing fé­lags­ins við Sam­tök at­vinnu­lífs­ins. Næsti fundur í deilunni hefur verið boðaður á þriðjudag.

Frétt af mbl.is

Blaðamenn felldu kjarasamninginn

„Við erum búin að fara með kjarasamning sem var hafnað og það liggur fyrir að við munum ekki leggja sama samninginn tvisvar fyrir fólk,“ segir Hjálmar. 

Verkfallsaðgerðirnar á morgun, sem eru þær þriðju sem boðað hefur verið til í nóvember, standa yfir í 12 klukkustundir, frá klukkan 10-22 og ná til blaðamanna, ljósmyndara og myndatökumanna hjá Árvakri, Sýn, Torgi og Ríkisútvarpinu, sem eru félagar í BÍ.

Tekið skal fram að flest­ir blaðamenn á rit­stjórn mbl.is og Morg­un­blaðsins eru fé­lag­ar í Blaðamanna­fé­lagi Íslands.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt