Hinir slösuðu frá S-Kóreu og Frakklandi

Ferðamennirnir sem slösuðust þegar jeppi og jepplingur rák­ust sam­an við Háöldu­kvísl á Skeiðar­árs­andi, miðja vegu á milli Núpsstaðar og Skafta­fells, á öðrum tím­an­um í dag, eru frá Suður-Kóreu og Frakklandi.

Þetta staðfestir Grímur Hergeirsson, settur lögreglustjóri á Suðurlandi, við mbl.is.  Vinnu á vettvangi lauk á sjöunda tímanum og búið er að opna fyrir umferð um Suðurlandsveg.

Fjór­ir eru al­var­lega slasaðir, þar af þrjú börn, og tveir minna eft­ir að tveir bíl­ar, jeppi og jepp­ling­ur, rák­ust sam­an við Háöldu­kvísl á Skeiðar­ársandi, miðja vegu á milli Núpsstaðar og Skafta­fells, á öðrum tím­an­um í dag. Kort/mbl.is

Hann segir enn fremur að svo virðist sem annar bíllinn hafi ekið yfir á öfugan vegarhelming og lent framan á hinum sem kom úr gagnstæðri átt. 

Skyggni var ágætt á þessum slóðum í dag en það var hvasst og fljúgandi hálka.

Frétt af mbl.is

Fjöldahjálparstöð opnuð á Kirkjubæjarklaustri

Grímur kvaðst ekki geta veitt nánari upplýsingar um líðan fólksins en fram hefur komið að fjórir eru alvarlega slasaðir eftir áreksturinn, þar af þrjú börn. 

Börn­in eru á aldr­in­um 5-10 ára. Fjórði sem slasaðist al­var­lega, full­orðinn ein­stak­ling­ur, sat fast­ur í öðrum bíln­um og beita þurfti klipp­um til að ná hon­um út.

• Blogga um frétt