Stúdentaráð Háskóla Íslands ásamt No Borders Iceland stóð fyrir mótmælum á Háskólatorgi í hádeginu, en hópurinn mótmælti því að Háskóli Íslands aldursgreindi fylgdarlaus börn og ungmenni á flótta með tanngreiningum.

Fram kemur í tilkynningu að í rúmlega eitt og hálft ár hafi Stúdentaráð og No Borders Iceland andmælt aðkomu Háskóla Íslands að líkamsrannsóknum á fylgdarlausum hælisleitendum og börnum sem hingað koma í leit að betra lífi.

mbl.is/Eggert Jóhannesson

„Afstaða SHÍ hefur hlotið stuðning starfsfólks og doktorsnema við skólann samkvæmt undirskriftarlistum sem voru gerðir opinberir veturinn 2018. Þá hafa Landssamtök íslenskra stúdenta og European Student's Union tekið undir með afstöðu Stúdentaráðs í málinu,“ segir í tilkynningunni. 

Þá segir að þrátt fyrir háværar gagnrýnisraddir hafi Háskóli Íslands samið við Útlendingastofnun, í mars 2019, um framkvæmd aldursgreininga með tanngreiningum sem eru siðferðislega umdeildar og vísindalega ónákvæmar rannsóknir.

mbl.is/Eggert Jóhannesson

„Samningurinn var til eins árs og fer því að líða að endurskoðun á stöðu HÍ í þessu máli. Háskólaráð mun fjalla um málið á fundi sínum í febrúar og efna SHÍ og No Borders til mótmæla gegn því að Háskóli Íslands framkvæmi þessar rannsóknir.

Stúdentaráð skoraði síðast á háskólaráð að hætta aldursgreiningum á fylgdarlausum börnum  30. nóvember 2019.

Áskorunina má finna hér,“ segir í tilkynningunni. 

Tengdar fréttir

Flóttafólk á Íslandi

„Minn tími er ekki búinn“

• Hefur kostað samtals 10,5 milljarða
• Ekki litið svo á að logið sé til um aldur
• Ráðuneytið sendi listann í desember
• Kæra á hendur Semu og Maríu „fabúleringar“

» Fleiri tengdar fréttir

• Blogga um frétt