Samþykkt var á fundi trúnaðarmannaráðs Sameykis í dag að hefja atkvæðagreiðslu um verkfall.
Fram kemur á vef félagsins, að verkfallsaðgerðir myndu ná til þeirra félagsmanna sem starfa undir kjarasamningum ríkis, Reykjavíkurborgar, Akraneskaupstaðar, Seltjarnarnesbæjar og Hjúkrunar- og dvalarheimilisins Höfða, alls um átta þúsund manns.
Þá segir, að atkvæðagreiðslan verði rafræn og muni standa frá mánudeginum 17. febrúar til og með miðvikudeginum 19. febrúar.